ကမ္ဘာတလွှားမှာ အနက်ရောင်ကမ်းခြေ အနည်းငယ်ရှိတဲ့အနက်မှာ အိုက်စလန်နိုင်ငံမှ ကမ်းခြေက အထင်ရှားဆုံးဖြစ်သည်။
Reynisfjara အမည်ရသည့် ကမ်းခြေဖြစ်ပြီး အိုက်စလန်တောင်ပိုင်းရှိ ကမ်းရိုးတန်းရွာတရွာဖြစ်သည့် Vík အနီးတွင် တည်ရှိသည်။
မီးတောင်ချော်ရည်များကြောင့် ဖြစ်ပေါ်လာသော အနက်ရောင်သဲများရှိရာကမ်းခြေဖြစ်သည်။
၎င်း၏အထင်ကရဆုံးအရာများထဲတွင် သဘာဝလှေကားထစ်ပုံစံဖြစ်နေသော မြင့်မားသော basalt ကျောက်တိုင်များ ပါဝင်သည်။
Reynisdrangar ပင်လယ်ကျောက်တိုင်များသည် ပင်လယ်ရေထဲမှ ထွက်ပေါ်နေသော ခန့်ညားသောကျောက်တိုင်ကြီးများ ဖြစ်သည်။
ကမ်းခြေသည် တမူထူးခြား၍ လှပနေသော်လည်း ဤနေရာရှိ လှိုင်းများသည် ရုတ်တရက် ပြင်းထန်စွာ ထိုးတက်တတ်လေ့ရှိသောကြောင့် လည်ပတ်သူများ အထူးသတိထားရန် လိုအပ်သည်။
ဤထူးခြားသောနေရာသည် Game of Thrones ကဲ့သို့သော ကမ္ဘာကျော် ဇာတ်လမ်းတွဲများတွင် ထည့်သွင်းရိုက်ကူးခံခဲ့ရသည်။
Reynisfjara ကမ်းခြေ သည် ကမ္ဘာပေါ်တွင် အလှပဆုံးသော အပူပိုင်းဒေသမဟုတ်သည့် ကမ်းခြေများထဲမှ တစ်ခုအဖြစ် အသိအမှတ်ပြုခံရသည်။
ပတ်ဝန်းကျင်ရှိ ကမ်းပါးယံများသည် ချစ်စဖွယ် puffin ပင်လယ်ငှက်များ ကျက်စားရာနေရာလည်းဖြစ်သည်။
သဲနက်များနှင့် ထူးခြားသောရှုခင်းများပေါင်းစပ်မှုသည် ခရီးသွားများနှင့် ဓာတ်ပုံဝါသနာရှင်များဆွဲဆောင်လျက် ရှိပေသည်။
#သွားမယ်တည်းမယ်
