အရင် date ပါ.. နောက်မှ ချစ်ပါ..
Date First, Love Later တဲ့။
လူတစ်ယောက်နဲ့ လက်တွဲဖို့ ဖြစ်လာခဲ့ပြီဆိုရင်
အနည်းဆုံး ၅ ခါအထိ date ပေးဖို့ လိုအပ်ပါတယ်။
တစ်ခါလောက်တွေ့ပြီး fall in love ဖြစ်သွားတဲ့သူတွေ၊
အချစ်ရေးကို အချိန်မယူဘဲ စတင်လိုက်တဲ့သူတွေဟာ
မတည်မြဲသော အချစ်ရေး၊
ပူလောင်ရသော အချစ်ရေး၊
အံဝင်ခွင်ကျမဖြစ်သော အချစ်ရေးတွေနဲ့
ကြုံတွေ့ရနိုင်ပါတယ်။
ဒီလိုတွေ မဖြစ်ရလေအောင်
လူတစ်ယောက်နဲ့ relationship တစ်ခု စတင်တဲ့အခါ
စစချင်း လေးလေးနက်နက်ကြီး မချစ်လိုက်ပါနဲ့။
ပေါ့ပေါ့ပါးပါးလေး အရင် တွဲကြည့်ပါ။
၅ ခါလောက် သေချာလေး date ကြည့်ပါ။
မတွဲခင် အချိန်ယူပြီး date လေလေ
ဒီလိုအကျိုးကျေးဇူးတွေ ပိုရလေလေပါပဲ။
✅ တစ်ခါ date တိုင်းမှာ Intimacy ရင်းနှီးမှုတွေဟာ ပိုရှိလာမယ်။ Intimacy များလာတဲ့အခါ Attachment သံယောဇဉ်ကြိုးလေးတွေ ဖြစ်လာမယ်။ သံယောဇဉ်ကြိုးဟာ ခိုင်မြဲလေလေ အချစ်ဟာ ပိုတည်တံ့လေလေပါပဲ။
✅ လူတစ်ယောက်ရဲ့ အမှောင်ခြမ်း Dark Side ကို သိလာရမယ်။ သူ့ရဲ့ အဆိုးအပြစ်တွေ၊ အားနည်းချက်တွေ၊ မကောင်းတဲ့အရာတွေကို ကြိုသိလာနိုင်လိမ့်မယ်။ ကြိုသိရပြီးနောက် ကိုယ်ကလည်း အဆင်ပြေလက်ခံနိုင်တယ်ဆိုရင် ဒီလူနဲ့ အချစ်ရေးစတင်လို့ ရပါပြီ။
✅ ကိုယ့်ရဲ့ Dark Side ကိုလည်း ပြသနိုင်လိမ့်မယ်။ သူ့ဘက်က အဆင်ပြေလက်ခံနိုင်ခြင်း ရှိ မရှိကိုလည်း သိလာရပါမယ်။ သူရော ကိုယ်ရော နှစ်ဦးနှစ်ဖက် Dark Side တွေ လက်ခံထားပြီးပြီဆိုရင် ဒီအချစ်ရေးဟာ ရေရှည်အတွက် အဆင်ပြေနိုင်ပြီဖြစ်ပါတယ်။
✅ သူဟာ ကိုယ့်အပေါ် အချစ်တွေတိုးလာသလား၊ ကိုယ်ကရော သူ့အပေါ် အချစ်တွေတိုးလာသလား၊ ဒါကို ဆန်းစစ်လာနိုင်ပါမယ်။ အခုမှစတွဲပါတယ်ဆိုမှ ချစ်ခြင်းတွေဟာ သိသိသာသာမတိုးလာဘူးဆိုရင် ရှေ့ဆက်ဖို့မဖြစ်နိုင်ပါဘူး။ တစ်ဖက်တည်းက တိုးနေရုံနဲ့လည်း အလကားပါပဲ။ နှစ်ဖက်လုံးတိုးလာမှသာ အချစ်ရေးကို ရှေ့ဆက်နိုင်မှာ ဖြစ်ပါတယ်။
များများ date ပြီးမှ ချစ်ဖြစ်တဲ့ အချစ်ရေးတိုင်းဟာ
ထာဝရဖြစ်မယ်လို့တော့ ကျွန်တော် မပြောရဲပါဘူး။
ဘယ်အရာမဆို ခြွင်းချက်တွေဟာ ရှိတာပါပဲ။
ဒါပေမယ့်
ချက်ချင်း serious ကြီး ချစ်လိုက်တဲ့သူတွေထက်
သေချာ date ပြီးမှ ချစ်ကြတဲ့သူတွေဟာ
ပိုပြီး တည်တံ့မြဲမြံတဲ့ အချစ်ရေး၊
ပိုပြီး အဆင်ပြေမှန်ကန်တဲ့ အချစ်ရေး၊
ပိုပြီး ပျော်ရွှင်အေးချမ်းတဲ့ အချစ်ရေးကို
တည်ဆောက်နိုင်ပါတယ်။
Date တယ်ဆိုတာကိုလည်း တချို့က
ကုတင်ပေါ်ကကိစ္စလို့ မြင်ကြပါတယ်။
တကယ်တော့ Date တယ်ဆိုတာဟာ
Public မှာ ပေါ်ပေါ်တင်တင် တွေ့လို့ရသလို
Private မှာ ရိုးရိုးသားသားလည်း တွေ့လို့ရပါတယ်။
ပြီးတော့ ချစ်သူနဲ့မှ date ရတာ မဟုတ်ပါဘူး။
မိသားစုနဲ့လည်း date လို့ရပါတယ်။
သူငယ်ချင်းနဲ့လည်း date လို့ရပါတယ်။
ကိုယ့်ကိုယ်ကိုယ်လည်း date လို့ရပါတယ်။
မနက်ဖြန်ကျရင် dating idea တချို့ကို
ဆက်ပြီး တင်ပေးသွားပါဦးမယ်။
Expensive မဖြစ်ပေမယ့် ပိုပြီး Value ရှိသော
Exclusive မဖြစ်ပေမယ့် ပိုပြီး Ro နိုင်သော
ချစ်သူနှစ်ဦးအတွက် ကျိန်းသေလိုအပ်သော
dating idea လေးတွေပေါ့။
AD
#crd