အင်ဒိုနီးရှားမှ မြန်မာသို့ ပိုလီယိုရောဂါ ကာကွယ်ဆေး (၂.၇ ၁၆)သန်း လှူဒါန်း

အင်ဒိုနီးရှားနိုင်ငံမှ မြန်မာနိုင်ငံသို့ ပိုလီယိုရောဂါကာကွယ်ဆေး (၂.၇၁၆) သန်း လှူဒါန်းခဲ့ကြောင်း ရန်ကုန်ရှိ အင်ဒိုနီးရှားသံရုံးမှ ထုတ်ပြန် အသိပေးထားသည်။

ပိုလီယိုရောဂါကာကွယ်ဆေးများကို အင်ဒိုနီးရှားနိုင်ငံ၊ နိုင်ငံခြားရေးဝန်ကြီးဌာနမှ Director of South East Asia Affa irs Mr. Mirza Nurhidayat နှင့် မြန်မာနိုင်ငံဆိုင်ရာ အင်ဒိုနီးရှားသံရုံးမှ သံရုံးယာယီတာဝန်ခံ Mr.M.Arif Hidayatullah တို့က မြန်မာနိုင်ငံရှိတာဝန်ရှိသူများကို ပေးအပ်ခဲ့ပြီး ကာကွယ်ဆေးများကို ဗဟိုကာကွယ်ဆေး သိုလှောင် အအေးခန်း (ရန်ကုန်) သို့ အအေးလမ်းကြောင်းမပျက် ဆက်လက်ပို့ဆောင်ထားကြောင်း သိရသည်။

အဆိုပါ ပိုလီယိုရောဂါ ကာကွယ်ဆေးများကို ကျန်းမာရေးဝန်ကြီးဌာနမှ ဆောင်ရွက်လျက်ရှိသည့် ပုံမှန်ကာကွယ်ဆေးထိုးနှံတိုက်ကျွေးရေး အစီအစဉ်၊ကာကွယ်ဆေးထပ်မံတိုက်ကျွေးပေးရန် လိုအပ်သည့် ကလေ-းငယ်များအတွက် ဆောင်ရွက်မည့် အမျိုးသားကာကွယ်ဆေးတိုက်ကျွေးရေးနေ့များအတွက်လည်းကောင်း အသုံးပြုဆောင်ရွက်သွားမည်ဖြစ်ကြောင်း သိရသည်။