၂၀၂၅ ဆီးဂိမ်းတွင် ရိုးရာလက်ဝှေ့ ပါဝင်ယှဉ်ပြိုင်နိုင်ရေး ဆွေးနွေး
လာမည့် ၂၀၂၅ ဆီးဂိမ်းပြိုင်ပွဲတွင် ထည့်သွင်းပြုလုပ်မည့် မွေထိုင်းလက်ဝှေ့ပွဲစဉ်များအတွင်း မြန်မာနိုင်ငံမှ ရိုးရာလက်ဝှေ့အသင်းများ ပါဝင်ယှဉ်ပြိုင်နိုင်ရန် မြန်မာနိုင်ငံ ရိုးရာလက်ဝှေ့အဖွဲ့ချုပ်က သွားရောက်ဆွေးနွေးခဲ့ကြောင်း သိရသည်။
အဆိုပါ ဆွေးနွေးပွဲကို ယခု ဒီဇင်ဘာလအတွင်း ထိုင်းနိုင်ငံ ဘန်ကောက်မြို့ရှိ ကမ္ဘာ့မွေထိုင်းအဖွဲ့ချုပ်ဥက္ကဋ္ဌ၊ အတွင်းရေးမှူးများနှင့် တွေ့ဆုံဆွေးနွေးခဲ့ကြခြင်းဖြစ်ကြောင်း သိရသည်။
သို့သော် အဆိုပါ မွေထိုင်းပွဲစဥ်များအတွင်း ရိုးရာလက်ဝှေ့ ဝင်ရောက်ယှဉ်ပြိုင်ခွင့်ရရှိမှု/ မရရှိမှု အတွက်ကိုမူ အဖွဲ့ချုပ်က အသိပေးထားခြင်းမရှိသေးပေ။
ဆွေးနွေးပွဲအပြီး ထိုင်းနိုင်ငံတွင် ကျင်းပပြုလုပ်နေသည့် Muaythai Soft Power Festival 2024 ပွဲသို့ တက်ရောက်အားပေးခဲ့ကြကြောင်း သိရသည်။
