ကျောက်ဆောင်ကမ်းပါးယံထက်က စတိုးဆိုင်။
တရုတ်နိုင်ငံ၊ ဟူနန်ပြည်နယ်ရှိ ကျောက်ဆောင် ကမ်းပါးယံအထက်မှာဖွင့်လှစ်ထားတဲ့ စတိုးဆိုင်ဖြစ်ပါတယ်။
မတ်စောက်တဲ့ ချောက်ကမ်းပါးဘေးကနေ တွဲလောင်းကျနေတဲ့ ဆိုင်သေးသေးလေးဟာ အဲဒီ ကမ်းပါးယံပေါ်တက်လာတဲ့ တောင်တက်သမားတွေကို စားရေးသောက်ရေး ဆောင်ရွက်ပေးတဲ့အတွက်
"သက်သောင့်သက်သာမရှိသော၊ အဆင်မပြေသော ကုန်စုံဆိုင်" လို့ နာမည်ပြောင်ပေးထားကြပါတယ်။
အဲဒီကုန်စုံဆိုင်လေးဟာ ဟူနန်ပြည်နယ် Shiniuzhai အမျိုးသားဘူမိဗေဒဥယျာဉ်ရှိ မြေပြင်အထက် မီတာ ၁၂၀ (၃၉၄ ပေ) မှာ တည်ရှိပါတယ်။
ဆိုင်ကလေးဟာ ပတ်ဝန်းကျင်ရှုခင်းတွေထဲမှာ ထူးခြားမှုရှိပြီး ဆိုင်ကလေးကို ဖြတ်သန်းသွားတဲ့ တောင်တက် သမားတွေအတွက် စားရေးသောက်ရေးကို ထောက်ပံ့ ဆောင်ရွက်ပေးပါတယ်။
အလုပ်သမားတွေဟာ Zip lines တွေကိုအသုံးပြုပြီး ကုန်ပစ္စည်းတွေကို နေ့စဉ် ဖြည့်တင်းကြရပြီး ဝန်ထမ်းတစ်ဦးတည်းသာ စတိုးဆိုင်အတွင်းမှာ အချိန်မရွေးရှိနေတယ်လို့ သိရပါတယ်။
စတိုးဆိုင်ရှိရာ ချောက်ကမ်းပါးပေါ်တက် ဖို့ မိနစ် ၉ဝ လောက်ကြာတယ်လို့ ဆိုပါတယ်။
တောင်တက်သမားတွေဟာ စတိုးဆိုင်ကိုရောက်ရင် ပုံးအတွင်းက ရေသန့်ဘူးတစ်ဘူးကို အလကား ရယူနိုင်ပါတယ်။
Shiniuzhai ဥယျာဉ်ဟာ ကမ္ဘာ့အရှည် ဆုံးမှန်တံတား Haohan Qiao တည်ရှိရာနေရာလဲ ဖြစ်ပါတယ်။
(ကဲ တောင်တက်ပြီး ရေသန့်ဘူးတစ်ဘူး အလကားသွားယူကြပါစို့။)
