အိမ်သားတွေအကြိုက် အုန်းထမင်း နဲ့ ကြက်သားဟင်း ချက်စားပါတယ်
အုန်းထမင်းချက်နည်း
================
မိသားစု 3ယောက်စာအချိုးပြောပြပေးမယ်နော်
ကျွန်မက ဆန်ကို ရွှေဘိုပေါ်ဆန်း (သို့မဟုတ်) ဘာစမာတီဆန်ကို သုံးပါတယ်။
ဘာစမာတီဆန်ကတော့ ချက်လိုက်ရင် ပိုပြီး ကော့ဆင်းပြီး ရှည်ပါတရ်
ကြက်က ဗမာကြက်ကို သုံးပြီး ချက်ထားပါတယ်။
အုန်းနို့ဗူး မသုံးပဲ အုန်းသီးကိုအသုံးပြုမယ်ဆိုရင် 1လုံး ဆို ရပါပြီးနော်။
ဆန် နို့ဆီဗူး 2ဗူး
အုန်းနို့ 400Ml၁ဗူး
ရေသန့် နို့ဆီဗူး 3ဗူး
ဆီ ထမင်းစားဇွန်း 4ဇွန်း
သကြား ထမင်းစားဇွန်း၀က်
ဆား လက်ဖက်စားဇွန်း 2ဇွန်း
ကြက်သွန် 3လုံး 4စိတ် စိတ်
ပြုလုပ်ပုံအဆင့်ဆင့်
================
ပထမဦးစွာ ဆန်ကို ရေ2ပြန်ခန့်ဆေးကြောထားပါ ရေသန့် အုန်းနို့နှင့်ပါ၀င်ပစ္စည်းများအားလုံးထည့်၍ သကြားနှင့်ဆားပျော်သွားသည်ထိ မွှေပေးပါ။ပြီးပါက ပုံမှန် ထမင်းချက်သကဲ့သို့ ခလုတ်နိတ်ပြီး ကျက်သည်ထိ ချက်ပါ ထမင်းကျက်ပြီးဆိုပါက ယောင်းမလေးနဲ့အပေါ်အောက် လှန်ပေးလိုက်ရင် ရပါပြီးရှင်။
ကြက်သားဟင်းချက်နည်း
====================
ကြက်သား 40သား
ကြက်သွန်နီ 2လုံး
ကြက်သွန်ဖြူ 3မွှာ
ချင်း (ဂျင်း) လက်မခန့်
ငရုပ်ပု ၅တောင့်ခန့်
ဆီ ၅ကျပ်သား
ဆား ထမင်းစားဇွန်း၀က်
ဟင်းခတ်အရသာမှူန့် လက်ဖက်စားဇွန်း၁ဇွန်း
နနွင်းမှူန့် အနည်းငယ်
ဟင်းခတ် မဆလာ အနည်းငယ်
ရေသန့် 700ml(ပန်းကန်လုံးကြီး ၁လုံးစာ)
ပြုလုပ်ပုံအဆင့်ဆင့်
=================
ပထမဦးစွာ ကြက်သားကို ဆေးကြောသန့်စင်ပြီး ဆား နနွင်း ဟင်းခတ်မှူန့်တို့ဖြင့်နယ်ထားပါ။
ငရုပ်ပုကိုစေ့တွေဖယ်ပြီး ရေနွေးဖြင့် ပွလာအောင်စိမ်ပြီး ကြက်သွန် ဖြူ နီ ဂျင်းတို့နှင့် ညှက်နေအောင်ရောထောင်းထားပါ။
ဟင်းချက်မည့် ဒယ်အိုးကို အပူပေး၍ ဆီထည့်ပါ ဆီပူလာပါက ထောင်းထားသော ငရုပ်အနှစ်များဆီသတ်ပါ ဟင်းခတ် မဆလာ အနည်းငယ် ထည့်ပါ
ကြက်သားထည့်ပါ ကြက်သားကို အကြောတင်းသည်ထိ ၅မီနစ်ခန့် ကြော်ပြီးမှ ရေထည့်ပြီး အဖုံးအုပ်ပါ။
မီနစ်၂၀ခန့် မီအနေတော်ဖြင့် ထားပြီး ရေခန်း ဆီပြန်လာပြီးဆို ကြက်သားဟင်းရပါပြီးနော်။
ချဉ်ပေါင်ဟင်းချိုချက်နည်း
=====================
ချဉ်ပေါင် ၁စည်း
မျှင်ငပိ လက်ဖက်စားဇွန်း ၂ဇွန်း
ပုဇွန်ခြောက်မှူန့် ထမင်းစားဇွန်း၀က်
ဆား လက်ဖက်စားဇွန်း ၂ဇွန်း
ကြက်သွန်နီ ၁လုံး
ကြက်သွန်ဖြူ ၂မွှာ
နနွင်းမှူန့်အနည်းငယ်
ဆီ အနည်းငယ်
ရေသန့် 500ml ပန်းကန်လုံးကြီး 1လုံးစာ
ချက်မည့်အိုးထဲ ရေသန့် မျှင်ငပိ ဆား ပုဇွန်ခြောက် ဆီ နနွင်းမှူန့်တို့ထည့်၍ ဆူပွက်အောင်တည်ထားပါ။
ဆူပွက်လာပါက ကြက်သွန်ဖြူနီပါးပါးလှီးထားတာနှင့် ချဉ်ပေါင်ရွက်တို့ထည့်ကာ 5မီနစ်ထားပြီး မီးပိတ်သုံးဆောင်နိုင်ပါပြီးနော်။
**************************
