ယူနိုက်တက်ရဲ့ စွမ်းဆာင်ရည်ကိုပဲ အာရုံစိုက်တယ်လို့ အာမိုရင်ပြော
ဒီဇင်ဘာ ၂
ယူနိုက်တက်အသင်းနည်းပြ အာမိုရင်က အဲဗာတန်အသင်းကို ၄ ဂိုး-ဂိုးမရှိနဲ့ အနိုင်ရတဲ့ပွဲအပြီးမှာ အဆင့် ၄ အတွင်း ဝင်ရောက်ဖို့ထက် အသင်းရဲ့စွမ်းဆောင်ရည်ကိုပဲ အာရုံစိုက်တယ်လို့ ပြောခဲ့ပါတယ်။
အာမိုရင်က “ကျနော်ဟာ ပရိသတ်တွေအပေါ် ရိုးသားချင်ပါတယ်။ ကျနော်က စွမ်းဆောင်ရည်ကို အာရုံစိုက်ပြီး ရလဒ် မဟုတ်တဲ့အတွက် အဆုံးမှာ ဒါကို မြင်တွေ့ရမှာပါ။ လာမယ့်ပွဲကို အာရုံစိုက်ပြီး စွမ်းဆောင်ရည်ကို ကြည့်ရ မှာပါ။ ပြီးခဲ့တဲ့ ဘိုဒိုဂီလင့်နဲ့ပွဲမှာ ၃ ဂိုး-၂ ဂိုးနဲ့ အနိုင်ရခဲ့ပေမယ့် ကျနော်တို့ ပိုပြီးထိုက်တန်တယ်လို့ ထင်ပါတယ်။ ဒီပွဲ မှာတော့ ကျနော်တို့ ၄ ဂိုး-ဂိုးမရှိနဲ့ အနိုင်ရခဲ့တဲ့အတွက် စွမ်းဆောင်ရည်ကို ဆက်ပြီးအာရုံစိုက်ကာ အာဆင်နယ်နဲ့ပွဲ အကြောင်းတွေးရမှာပါ”လို့ ပြောခဲ့တာပါ။
ယူနိုက်တက်အသင်းဟာ အဲဗာတန်အသင်းနဲ့ပွဲမှာ တိုက်စစ်မှူးတွေဖြစ်တဲ့ ရက်ရှ်ဖို့ဒ်၊ ဇက်ခ်ဇီတို့ရဲ့ သွင်းဂိုးတွေနဲ့ အနိုင်ရခဲ့ပြီး နည်းပြ အာမိုရင်လက်ထက် ပထမဆုံး ပရီးမီးယားလိဂ် နိုင်ပွဲကို ရယူနိုင်ခဲ့တာဖြစ်ပါတယ်။
ယူနိုက်တက်အသင်းဟာ ဒီနိုင်ပွဲကြောင့် ပရီးမီးယားလိဂ်အဆင့် ၉ နေရာအထိ တက်လာနိုင်ခဲ့ပြီး အဆင့် ၄ နေရာ က ဘရိုက်တန်အသင်းနဲ့ ၄ မှတ်သာ ကွာဟတော့တာပါ။
ယူနိုက်တက်အသင်းဟာ ထိပ်ဆုံး ၄ သင်းထဲ ဝင်ရောက်ဖို့ ရမှတ် ကွာဟချက် မများတော့ပေမယ့် နည်းပြ အာမိုရင်က စွမ်းဆောင်ရည်ကိုပဲ အာရုံစိုက်နေတာဖြစ်ပါတယ်။
ဒီပွဲမှာ ယူနိုက်တက်အသင်းအတွက် ၂ ဂိုးသွင်းနိုင်ခဲ့တဲ့ တိုက်စစ်မှူး ဇက်ခ်ဇီဟာ သြဂုတ်နောက်ပိုင်း အသင်း အတွက် ပထမဆုံးသွင်းဂိုးကို ရယူနိုင်ခဲ့တာပါ။
ဒါအပြင် ရက်ရှ်ဖို့ဒ်ကလည်း နည်းပြ အာမိုရင်လက်ထက် ကစားခဲ့တဲ့ ၃ ပွဲမှာ ယူနိုက်တက်အသင်းအတွက် ၃ ဂိုး သွင်းယူထားတာ ဖြစ်ပါတယ်။
အာမိုရင်က ရက်ရှ်ဖို့ဒ်ဟာ အများကြီး လုပ်နိုင်တဲ့သူဖြစ်တဲ့အတွက် ဆက်ပြီး တိုးတက်ဖို့ လိုအပ်တယ်လို့ ပြောခဲ့ တာပါ။
ယူနိုက်တက်အသင်းဟာ ဒီဇင်ဘာ ၅ ရက်မှာ ပရီးမီးယားလိဂ် ပွဲစဉ်အဖြစ် အဆင့် ၂ နေရာမှာ ရပ်တည်နေတဲ့ အာဆင်နယ်အသင်းနဲ့ ယှဉ်ပြိုင်ရမှာဖြစ်ပါတယ်။
ပုံ - ယူနိုက်တ်ကအသင်းကို တွေ့ရစဉ်
#centralnewsnaypyitaw
