ထိုင်းက ဆောက်လုပ်ဆဲ မိုးပျံ တံတားပြိုကျလို့ ထိခိုက်သေဆုံးမှုမှာ မြန်မာအလုပ်သမားများ ပါဝင်
နိုဝင်ဘာ ၂၉
ထိုင်းနိုင်ငံ၊ စမွတ်စခွန်ခရိုင်၊ မဟာချိုင်တွင် ဆောက်လုပ်ဆဲ မိုးပျံ တံတားပြိုကျမှုကြောင့် အလုပ် သမား တချို့ သေဆုံးမှု ဖြစ်ပေါ်ခဲ့တယ်လို့ ထိုင်းသတင်းဌာနတွေရဲ့ ဖော်ပြချက်အရ သိရပါတယ်။
တံတား ပြိုကျမှုကတော့ နိုဝင်ဘာ ၂၉ ရက်နေ့ နံနက် (၄)နာရီအချိန်လောက်က ဖြစ်ပွားခဲ့တာ ဖြစ်ပြီး အလုပ်သမား (၁၀)ဦး ထိခိုက်ဒဏ်ရာများရရှိခဲ့ကာ (၄)ဦး သေဆုံးမှု ဖြစ်ပေါ်ခဲ့တယ်လို့ သိရပါတယ်။
သေဆုံးသွားခဲ့တဲ့ အလုပ်သမားတွေထဲမှာ မြန်မာအလုပ်သမားတွေလဲ ပါဝင်တယ်လို့ ထိုင်းရောက် မြန်မာ အလုပ်သမား အရေး ကူညီပေးနေသူတွေဆီက သိရပါတယ်။
“ထိခိုက်တဲ့အထဲမှာ ညီ အစ်ကို (၃)ယောက်ဆို တစ်ယောက် သေဆုံးသွားတယ်။ တစ်ယောက် အရေးပေါ်အခြေနဲ့ တစ်ယောက်တော့ သေးသွားပေါက်နေလို့ လွတ်သွားခဲ့တယ်ပေါ့။ ဒိုက်ဦးဘက်ကလို့ သိရပါတယ်”လို့ အလုပ်သမားအရေး ကူညီပေးနေသူတစ်ဦးက ပြောပါတယ်။
အဲ့ဒီ လုပ်ငန်းခွင်မှာ အလုပ်သမား (၃၉) ဦးလောက်အလုပ် လုပ်ကိုင်နေခဲ့တာလို့ သိရပါတယ်။
#centralnewsnaypyitaw
