မြောက်ကိုရီးယားရဲ့ GPS jamming တိုက်ခိုက်မှု တောင်ကိုရီးယားနိုင်ငံက သင်္ဘောတွေနဲ့ လေယာဉ်တွေ အပေါ် ထိခိုက်မှုရှိကြောင်း တောင်ကိုရီးယားစစ်တပ်ပြော

နိုင်ငံတကာ၊ နိုဝင်ဘာ ၁၁

မြောက်ကိုရီးယားနိုင်ငံက နိုဝင်ဘာလ ၈ ရက်နေ့နဲ့ ၉ ရက်နေ့မှာ GPS jamming တိုက်ခိုက်ခဲ့တဲ့အတွက် တောင်ကိုရီးယားနိုင်ငံရဲ့ သင်္ဘောလေးငါးစီးနဲ့ အရပ်ဘက်လေယာဉ်အများအပြား ထိခိုက်ခဲ့ကြောင်း တောင်ကို ရီးယားစစ်တပ်က ပြောကြားလိုက်ပါတယ်။

မြောက်ကိုရီးယားနိုင်ငံက ၎င်းတို့ရဲ့ ခေတ်အမီဆုံး လောင်စာခဲသုံး တိုက်ချင်းပစ်ဒုံးကျည် ICBM ကို စမ်းသပ်ပစ် လွှတ်လိုက်ပြီးနောက် တစ်ပတ်ဝန်းကျင်အကြာမှာ အခုလို GPS jamming တိုက်ခိုက်မှု သတင်းထွက်ပေါ်လာခဲ့ တာဖြစ်ပါတယ်။

တောင်ကိုရီးယားနိုင်ငံကလည်း မြောက်ကိုရီးယားက ရန်စကျူးကျော်လာခဲ့ရင် ပြန်လည်တုံ့ပြန်တိုက်ခိုက်ဖို့ အ သင့်ရှိနေကြောင်း ပြသတဲ့အနေနဲ့ နိုဝင်ဘာလ ၈ ရက်နေ့က ၎င်းတို့နိုင်ငံရဲ့ ပဲ့ထိန်းဒုံးကျည်ကို ပင်လယ်ထဲကို ပစ်ခတ်ခဲ့ပါတယ်။

“မနေ့က ဟေဂျူးနဲ့ ခေးဆောင်မြို့တွေမှာ မြောက်ကိုရီးယားက GPS jamming တိုက်ခိုက်ခဲ့ပါတယ်။ တိုက်ခိုက် မှုကြောင့် သင်္ဘောလေးငါးစီးနဲ့ အရပ်ဘက်လေယာဉ်အများအပြား လုပ်ငန်းလည်ပတ်မှုတွေ ကမောက်ကမဖြစ် ခဲ့ပါတယ်။” လို့ စနေနေ့ကထုတ်ပြန်တဲ့ ကြေညာချက်ထဲမှာ တောင်ကိုရီးယား ပူးတွဲစစ်ဦးစီးချုပ်များအကြီးအကဲ က ပြောပါတယ်။

အလားတူ တိုက်ခိုက်မှုမျိုးကို သတိပြုဖို့ ပင်လယ်ဝါထဲမှာ လည်ပတ်သွားလာနေတဲ့ သင်္ဘောတွေနဲ့ လေယာဉ် တွေကို တောင်ကိုရီးယားစစ်တပ်က သတိပေးထားပါတယ်။

“အခုလို GPS ကျူးကျော်တိုက်ခိုက်မှုကို ချက်ချင်းရပ်တပ်ဖို့ မြောက်ကိုရီးယားနိုင်ငံကို ပြင်းပြင်းထန်ထန် သတိ ပေးတိုက်တွန်းလိုက်ပါတယ်။ ဒီတိုက်ခိုက်မှုကနေ ထွက်ပေါ်လာတဲ့ နောက်ဆက်တွဲပြဿနာတွေအတွက် မြောက်ကိုရီးယားနိုင်ငံက တာဝန်ယူရမှာဖြစ်ကြောင်း သတိပေးလိုက်ပါတယ်။” လို့ တောင်ကိုရီးယားစစ်တပ်ရဲ့ ထုတ်ပြန်ချက်ထဲမှာ ဖော်ပြထားပါတယ်။

မြောက်ကိုရီးယားနိုင်ငံက ကုလသမဂ္ဂအရေးယူပိတ်ဆို့မှုတွေကို ချိုးဖောက်ပြီး ပဲ့ထိန်းဒုံးကျည်တွေ ပစ်လွှတ်ခဲ့ပြီး တောက် တောင်ကိုရီးယားနဲ့ မြောက်ကိုရီးယားနိုင်ငံကြားက ဆက်ဆံရေးဟာ မကြာခင်နှစ်တွေအတွင်း အနိမ့် ဆုံးအခြေအနေအထိ ထိုးဆင်းရောက်ရှိခဲ့ပါတယ်။

ဒါ့အပြင် တောင်ကိုရီးယားတက်ကြွလှုပ်ရှားသူတွေက မြောက်ကိုရီးယားနိုင်ငံဘက်ကို ဝါဒဖြန့်စာရွက်တွေ ကြဲချ ခဲ့တာကို လက်တုံ့ပြန်တယ်ဆိုပြီး မြောက်ကိုရီးယားအစိုးရကလည်း မေလကစပြီး တောင်ကိုရီးယားနိုင်ငံဘက် ကို အမှိုက်တွေထည့်သွင်းထားတဲ့ မိုးပျံပူဖောင်းတွေ လွှတ်တင်ခဲ့ပါတယ်။

မြောက်ကိုရီးယားအစိုးရဟာ မေလအတွင်းကလည်း GPS jamming တိုက်ခိုက်မှုတွေ ပြုလုပ်ခဲ့ပေမဲ့ အဲဒီအချိန် က တိုက်ခိုက်မှုကြောင့် တောင်ကိုရီးယားနိုင်ငံရဲ့ စစ်ဆင်ရေးလုပ်ငန်းတွေကို နှောက်ယှက်နိုင်စွမ်းမရှိကြောင်း တောင်ကိုရီးယား စစ်ဘက်က ပြောပါတယ်။

သောကြာနေ့ (နိုဝင်ဘာ ၈ ရက်နေ့) က စစ်ရေးလေ့ကျင့်မှုမှာ တောင်ကိုရီးယားနိုင်ငံက Hyunmoo မြေပြင်- မြေပြင်ပစ် ဒုံးကျည်တစ်စင်းကို အနောက်ပင်လယ်ထဲကို ပစ်ခတ်ခဲ့ပြီး ဒီပစ်ခတ်မှုဟာ မြောက်ကိုရီးယားဘက်က ဘယ်လို ခြိမ်းခြောက်မှုမျိုးကိုမဆို ပြတ်ပြတ်သားသား လက်တုံ့ပြန်တိုက်ခိုက်သွားမယ့် တောင်ကိုရီးယားနိုင်ငံရဲ့ ခိုင်မာတဲ့ ဆုံးဖြတ်ချက်ကို ထုတ်ဖော်ပြသလိုက်တာဖြစ်ကြောင်း ကိုရီးယားစစ်တပ်က ပြောပါတယ်။

Ref: N. Korea Jams GPS Signals, Affecting Ships, Aircraft in South

#သတင်းဟင်းလေးအိုးကြီး