လာဟိုး၌ လေထုညစ်ညမ်းမှုသမိုင်းဝင်မြင့်တက်၊အိန္ဒိယကြောင့်ဖြစ်ဟုဆို
ကရာချီ၊နိုဝင်ဘာ ၁၀
ပါကစ္စတန်နိုင်ငံ၏ ဒုတိယအကြီးဆုံးမြို့ဖြစ်သည့် လာဟိုး၌ လေထုညစ်ညမ်းမှု သည် စံချန်တင်မြင့်တက်လာကာ ကျောင်းများနှင့်ရုံးများကိုပါပိတ်ထားရပြီး ဝန်ထမ်းများကိုလည်း အိမ်မှာ နေ၍သာတာဝန်ထမ်းဆောင်ကြရန်ညွှန်ကြားထားရကြောင်းသိရသည်။
တနင်္ဂနွေနေ့တွင် လာဟိုးသည် ကမ္ဘာ့လေထုအညစ်ညမ်းဆုံးမြို့များတွင် ထိပ်ဆုံးစာရင်း၌ပါဝင်နေပြီး ကျောင်းများပိတ်ထားသော်လည်း ကလေ-းငယ်များကို အိမ်တွင်း၌ နေသော်လည်း နှာခေါင်းစည်းများတပ်ဆင်စေပြီးနေထိုင်စေသင့်သည်ဟုလည်းမိဘများကို ညွှန်ကြားထားသည်။
လူထုအနေဖြင့်လည်း အိမ်ထဲ၌သာနေရန်နှင့်တံခါးများပိတ်ထားခြင်း၊ အရေးတကြီးမလိုအပ်ပါက ခရီးမသွားဘဲ နေသင့်ကြောင်း ညွှန်ကြားချက်ထုတ်ပြန်ထားသကဲ့သို့ ဝန်ထမ်းအင်အား၏ ၅၀ ရာခိုင်နှုန်းကိုလည်း အိမ်မှသာ အလုပ်လုပ်ကြရန်ညွှန်ကြားထားသည်ဟုသိရသည်။
လေထုညစ်ညမ်းမှုကို လျှော့ချရန်ရည်ရွယ်ချက်ဖြင့် သုံးဘီးဆိုင်ကယ်များစီးနင်းခြင်းကိုလည်း တားမြစ်ထားသကဲ့သို့ ဆောက်လုပ်ရေးလုပ်ငန်းများကိုပါ ရပ်နားခိုင်းထားကာ လိုက်နာခြင်းမရှိသည့် စက်မှုလုပ်ငန်းများကို အပြီးတိုင်ဖျက်သိမ်းမည်ဟုလည်းအစိုးရကညွှန်ကြားချက်ထုတ်ပြန်ထားသည်။
ယခုကဲ့သို့လေထုညစ်ညမ်းမှုသည် အိမ်နီးချင်းအိန္ဒိယကြောင့်လည်းပါဝင်သဖြင့် အိန္ဒိယနှင့်မဆွေးနွေးပဲ ဖြေရှင်းနိုင်မည်မဟုတ်သဖြင့် အိန္ဒိယနှင့်ဆွေးနွေးဆောင်ရွက်ရန် နိုင်ငံခြားရေးဝန်ကြီးဌာနမှတစ်ဆင့်ဆက်သွယ်ဆောင်ရွက်နေသည်ဟုလည်းပြောကြားခဲ့သည်
