၂၀၂၄ အမေရိကန်ရွေးကောက်ပွဲ - ဒေါ်နယ်ထရမ့်မဲဆွယ်မှု လက်ခုပ်သံတွေနဲ့ အဆုံးသတ်ပြီ

နိုဝင်ဘာ ၅၊ နိုင်ငံတကာ။

အမေရိကန် သမ္မတလောင်း ဒေါ်နယ်ထရမ့်ဟာ သူ့နဲ့ မဲဆွယ်မိန့်ခွန်းကို လက်ခုပ်တီးအားပေးသံတွေနဲ့ မီရှီဂန်ပြည်နယ်၊ ဂရမ်း ရက်ပစ်မြို့၊ စင်မြင့်ထက်မှာ အဆုံးသတ်လိုက်ပြီဖြစ်ပါတယ်။

အဲဒီမြို့ဟာ ၂၀၁၆ နဲ့ ၂၀၂၀ အမေရိကန် ရွေးကောက်ပွဲ မဲဆွယ်ပွဲတွေမှာ သူ့ မဲဆွယ်ပွဲကို သိမ်းခဲ့တဲ့မြို့လည်း ဖြစ်ပါတယ်။

‘‘တစ်နေ့တည်းမှာ ဒီလို(လူထုတွေ့ဆုံ မဲဆွယ်ပွဲတွေ) ၄ ခုအထိလုပ်ရတာ လွယ်တော့မလွယ်ပါဘူး’’ လို့ ထရမ့်ကပြောပေမဲ့ တွေ့ဆုံပွဲတွေမှာ သူရရှိတဲ့ထောက်ခံအားပေးမှုတွေကိုကြည့်ရင် ‘‘လုပ်ရကျိုး နပ်ပါတယ်’’ လို့ ပြောပါတယ်။

အမေရိကန်သမ္မတဟောင်းလည်း ဖြစ်တဲ့ ဒေါ်နယ်ထရမ့်ဟာ နောက်ဆုံးလုပ်မယ့် လူထုတွေ့ဆုံပွဲကို ၂ နာရီ နီးပါး နောက်ကျပြီးမှ ရောက်လာပါတယ်။

တွေ့ဆုံပွဲ တက်လာတဲ့လူတွေကိုလည်း သူက ပြီးခဲ့တဲ့ လေးနှစ်တုန်းကထက် ပိုကောင်းလာတာ ဘာရှိလဲလို့ မေးတဲ့အခါ ပရိသတ်တွေက ‘’ဘူး’’ သံ ကျယ်ကျယ်နဲ့ တုံ့ပြန်ခဲ့ပါတယ်။

‘‘ဒီညမှာ ဒီမှာရှိသူတွေကိုရော၊ အမေရိကန်ပြည်သူတွေကိုရော ကျွန်တော် ပေးချင်တဲ့သတင်းစကားကတော့ ရှင်းရှင်းလေးပါပဲ။ ခင်ဗျားတို့ အခုနေသလို ဆက်ပြီး မနေရတော့ပါဘူး’’

Credit - BBC

#သတင်းဟင်းလေးအိုးကြီး