ဂျပန် ကုမ္ပဏီ (၄၀၀)ကျော်က မြန်မာအလုပ်သမား (၁၄၀၀) ဝန်းကျင် ခေါ်ယူမည်
ဂျပန် ကုမ္ပဏီ (၄၀၀)ကျော်က မြန်မာအလုပ်သမား (၁,၄၀၀) ဝန်းကျင်အတွက် အလုပ်အကိုင်အခွင့်အလမ်းများ ကမ်းလှမ်းခေါ်ယူမည်ဟု ဂျပန်နိုင်ငံဆိုင်ရာ မြန်မာသံရုံး၏ အသိပေးချက်အရ သိရသည်။
ဂျပန် ကုမ္ပဏီ (၄၃၁) ခုက မြန်မာအလုပ်သမား (၁,၄၀၀)ဝန်းကျင်ခေါ်ယူမည်ဖြစ်ပြီး အမျိုးသမီးအလုပ်သမား (၁,၀၀၀) ကျော်နှင့် အမျိုးသားလုပ်သား (၃၀၀) ကျော် ခေါ်ယူခြင်း ဖြစ်သည်။
အဓိကအားဖြင့် သက်ကြီးစောင့်ရှောက်ရေး၊စားသောက်ကုန်ထုတ်လုပ်ရေး နှင့် ဆောက်လုပ်ရေးလုပ်ငန်းဆိုင်ရာ အလုပ်အကိုင် ထောင်ကျော်ကို ခေါ်ယူထားခြင်းဖြစ်ပြီး အလုပ်သမားဝန်ကြီးဌာနက ပေးပို့လာသည့် အလုပ်ကမ်းလှမ်းစာပါအချက်အလက်များကို စိစစ်ပြီး ထုတ်ပြန်ပေးနေကြောင်းလည်း ဂျပန်နိုင်ငံဆိုင်ရာ မြန်မာသံရုံးက ထုတ်ပြန်ထားသည်။
ထို့ပြင် အလုပ်ခေါ်သည့် ကုမ္ပဏီနှင့် စက်ရုံများသည် တရားဝင်တည်ထောင်ထားခြင်း ရှိ၊မရှိ နှင့် စာရွက်စာတမ်းအထောက်အထားများကို စိစစ်နေကြောင်းလည်း သိရသည်။
