#ကြက်ကုန်းဘောင်ကြီးကြော်လုပ်နည်း ( Kong Pao Chicken )
အိမ်တွင် ၁၅ မိနစ်အတွင်း ကုန်းဘောင်ကြီးကြော် နည်းလေးကို ဖော်ပြပေးလိုက်ပါတယ်နော်။
--------------------------------
Ingredients (ပါဝင်ပစ္စည်းများ)
- ကြက်သား (ရင်ဘုံသား) ၂၀ ကျပ်သား (အနေတော် တုံးပေးပါ)
- ကြက်သွန်နီ ၂ လုံး (လေးစိပ်စိတ်ပါ)
- မုန်လာဥနီ ၂ ခု (အနေတော် တုံးပေးပါ)
- ဘိုစားပဲ ၁ဝ ခု (အနေတော် တုံးပေးပါ)
- ပြောင်းဖူးသေး ၈ ခု (အနေတော် တုံးပေးပါ)
- ကြက်သွန်မြိတ် ၂ ခု ( အရှည်လှီးပေးပါ)
- သီဟိုစေ့ ၁၅ စေ့
- ငရုတ်ပွနီခြောက် ၃ ခု
-------------------------------
* ချက်ပြုတ်နည်း *
Step 1 - ကြက်သားကို [ ဆား(လက်ဖက်ရည်ဇွန်း ၁ဇွန်း)၊ ကြက်သားမှုန့်(လက်ဖက်ရည်ဇွန်း တဝက်)၊ ပဲငံပြာရည်အနောက် (လက်ဖက်ရည်ဇွန်း ၂ဇွန်း)၊ ခရုဆီ(စားပွဲတင်ဇွန်း တဝက်)၊ ဂျုံမှုန့်(စားပွဲတင်ဇွန်း တဝက်) ] ထည့် နုယ်ပေးပါ။
Step 2 - ပြီးလျှင် ဒယ်ထဲ ဆီများထည့်ပြီး နုယ်ထားသော ကြက်သားကို ၂မိနစ်ခန့် မီးအသင့်တင့်ဖြင့် ကြော်ပေးပါ။ ပြီးလျှင် ကြော်ထားသော ကြက်သားများကို ဇကာဖြင့် ပြန်ဆယ်ထားပါ။
Step 3 - ဒယ်ထဲ ဆီ(စားပွဲတင်ဇွန်း ၃ ဇွန်း) ထည့်ပြီး ကြက်သွန်ဖြူ(လက်ဖက်ရည်ဇွန်း ၁ဇွန်း) ထည့်ကာ စက္ကန့်အနည်းငယ်မျှ ဆီပူုထိုးပေးပါ။
Step 4 - ထို့နောက် ကြက်သွန်နီ၊ မုန်လာဥနီ ထည့်မွှေပေးပါ။ ပြောင်းဖူးသေး၊ ဘိုစားပဲ ထည့်ပေးပါ။
Step 5 - ပြီးလျှင် ကြက်ပြုတ်ရည်(သို့) ရေ(တခွက်) ထည့်ပြီး အဖုံး ၁မိနစ်ခန့်အုပ်ထားပေးပါ။
Step 6 - ရေအနည်းငယ်ကျန်လျှင် ကြက်သား၊ ပဲငံပြာရည်အနောက် (လက်ဖက်ရည်ဇွန်း ၁ဇွန်း)၊ နှမ်းဆီ(၄စက်)၊ ခရုဆီ(စားပွဲတင်ဇွန်း ၁ဇွန်း)၊ သကြား(လကဖက်ရည်ဇွန်း ၁ဇွန်း)၊ ဆား(လက်ဖက်ရည်ဇွန်း ၁ ဇွန်း)၊ ကြက်သွန်မြိတ် ထည့်မွှေပေးပါ။
Step 7 - ထို့နောက် အရသာအပေါ့အငံမြည်းပြီး သီဟိုစေ့၊ ငရုတ်ပွခြောက် ထည့်ပြီး ရေခန်းသည်အထိမွှေပေးပါ။
Step 8 - အရသာစူးရှပြီး စားလို့ကောင်းသော ကြက်ကုန်းဘောင်ကြီးကြော်ကို ထမင်းနှင့်တွဲဖက် စားသုံးနိုင်ပါပြီ။
နောက်များတွက်လည်း ပို၍ကောင်းသော ဟင်းလျှာများကို ပိုမိုကောင်းမွန်သောတင်ဆက်မှုများနဲ့ ပြသပေးသွားပါမယ်နော်။
