အယ်နာဆာအသင်း လိဂ်ဖလားပြိုင်ပွဲမှ ထွက်ခဲ့ရ
-------------------
အောက်တိုဘာလ(၂၉)ရက်နေ့က ကစားခဲ့တဲ့ အယ်နာဆာအသင်းနဲ့ အယ်တာဝန်အသင်းတို့ရဲ့ လိဂ်ဖလား (၁၆) သင်း ရှုံးထွက်ပွဲစဉ်မှာ အယ်နာဆာအသင်းက ရှုံးနိမ့်ခဲ့တာကြောင့် ပြိုင်ပွဲကနေ ထွက်ခွာခဲ့ရပါတယ်။ အယ်နာဆာ အသင်းဟာ အယ်တာဝန်အသင်းကို အိမ်ကွင်းမှာ ဖိအားပေးကစားနိုင်ခဲ့ပေမယ့်လည်း နောက်ကျဂိုးပေးခဲ့ရတာ ကြောင့် (၁)ဂိုး၊ ဂိုးမရှိနဲ့ ရှုံးနိမ့်ခဲ့တာပါ။
ရော်နယ်ဒို ဦးဆောင်လာတဲ့ အယ်နာဆာအသင်းရဲ့ ပွဲထွက်စာရင်းမှာ မာနေး မပါဝင်လာခဲ့ပေမယ့် အသင်းရဲ့ အဓိက ကစားသမားတွေကို အသုံးပြုလာခဲ့တာကို တွေ့ရပါတယ်။ ဒီပွဲစဉ်မှာ အယ်နာဆာအသင်းရဲ့ ဖိအားပေး ကစားလာတာကို အယ်တာဝန်အသင်းက ဂိုးမပေးရအောင် အကောင်းဆုံး ကစားနိုင်ခဲ့ပြီး အယ်တာဝန် အသင်း အတွက် တစ်လုံးတည်းသောအနိုင်ဂိုးကို ပွဲချိန်(၇၁)မိနစ်မှာ အယ်အာမက်က သွင်းယူပေးခဲ့တာဖြစ်ပါတယ်။
ပွဲချိန်မိနစ်(၉၀)ပြည့်လို့ နာကျင်အချိန်ပို (၆)မိနစ်မှာ အယ်နာဆာ အသင်းက ပင်နယ်တီရခဲ့ပေမယ့် တိုက်စစ်မှူး ရော်နယ်ဒိုက ဂိုးအဖြစ်မပြောင်းလဲနိုင်ခဲ့တာကြောင့် ပွဲအပြီးမှာ အယ်တာဝန်အသင်းက အနိုင်ရခဲ့တာဖြစ်ပါတယ်။ အယ်နာဆာအသင်းဟာ ပြီးခဲ့တဲ့ရာသီက လိဂ်ဖလားပြိုင်ပွဲမှာ ဗိုလ်လုပွဲထိ တက်ရောက်နိုင်ခဲ့ပေမယ့် အခုဘောလုံး ရာသီမှာတော့ (၁၆)သင်းရှုံးထွက်အဆင့်မှာတင် ပြိုင်ပွဲကနေ ထွက်ခွာခဲ့ရတာလည်း ဖြစ်ပါတယ်။
