အမိုရင်ကို မန်ယူစိတ်ဝင်စားဟု စပို့တင်း အတည်ပြု
-----------------------
ပေါ်တူဂီကလပ် စပို့တင်းအသင်းဟာ အသင်းရဲ့နည်းပြ အမိုရင်ကို မန်ယူအသင်းက ခေါ်ယူဖို့စိတ်ဝင်စားနေတယ် ဆိုတဲ့ သတင်းတွေအပေါ် အောက်တိုဘာလ(၂၉)ရက်နေ့က အတည်ပြုသွားခဲ့ပါတယ်။ မန်ယူအသင်းဟာ အခု ဘောလုံးရာသီမှာ ရလဒ်ပိုင်း ဆိုးရွားနေခဲ့တာကြောင့် အသင်းရဲ့နည်းပြတန်ဟတ်ကို ရာထူးကနေ ထုတ်ပယ်ခဲ့ပြီး အမိုရင်ကို နည်းပြသစ်အဖြစ် ခန့်အပ်ဖို့အတွက် စိတ်ဝင်စားနေခဲ့တာပါ။
နည်းပြအမိုရင်နဲ့ပတ်သက်ပြီး မန်ယူ အသင်းနဲ့ ဆွေးနွေးမှုတွေကို ပြုလုပ်နေသလို မန်ယူအသင်းအနေနဲ့ အမိုရင်ကို နည်းပြသစ်အဖြစ် ခေါ်ယူချင်တယ် ဆိုရင် စာချုပ်ဖျက်သိမ်းကြေး ယူရို(၁၀)သန်း ပေးချေသွားရမှာဖြစ်တယ်လို့ စပို့တင်းအသင်းက တရားဝင်စာ ထုတ်ပြန်ချက်ထဲမှာ ရေးသားခဲ့ပါတယ်။
မန်ယူအသင်းဟာ အခုဘောလုံးရာသီမှာ ရလဒ်ဆိုးရွားနေခဲ့တာကြောင့် စပို့တင်းအသင်းကို ရလဒ်ကောင်းရအောင် လုပ်ဆောင်ပေးနေတဲ့ နည်းပြအမိုရင်က အသင်းကို အကောင်းဆုံး ကိုင်တွယ်ပေးနိုင်လိမ့်မယ်လို့ မျှော်လင့်နေပါ တယ်။ မန်ယူအသင်းနဲ့ အပြောင်းအရွှေ့သတင်းတွေ ထွက်ပေါ်နေခဲ့ ပေမယ့် နည်းပြအမိုရင်ကတော့ နေစီယိုနယ် အသင်းနဲ့ပွဲစဉ်အပြီးမှာ အနာဂတ်နဲ့ပတ်သက်တဲ့ မေးခွန်းတွေအပေါ် မှတ်ချက်တစ်စုံတစ်ရာ မပေးခဲ့တာကိုလည်း တွေ့ခဲ့ရပါတယ်။
