အမျိုးသားအားကစားပွဲတော်တွင် ဆုတံဆိပ်ရရှိသည့် အားကစားသမားများကို ထိုက်ထိုက်တန်တန်ဆုချီးမြှင့်ပေးပြီး အလုပ်အကိုင်အခွင့်အလမ်းတွေ တိုးမြှင့်ပေးရန် နစကဒုတိယဥက္ကဋ္ဌပြောကြား
အောက်တိုဘာ ၃၁၊ နေပြည်တော်။
အမျိုးသားအားကစားပွဲတော်တွင် ဆုတံဆိပ်ရရှိသည့် အားကစားသမားများကို ထိုက်ထိုက်တန်တန်ဆုချီးမြှင့်ပေးပြီး အလုပ်အကိုင်အခွင့်အလမ်းတွေ တိုးမြှင့်ပေးရန် နိုင်ငံတော်စီမံအုပ်ချုပ်ရေးကောင်စီဒုတိယဥက္ကဋ္ဌ ဒုတိယဗိုလ်ချုပ်မှူးကြီးစိုးဝင်းက အောက်တိုဘာ ၃၀ ရက်နေ့က ပြောကြားလိုက်သည်။
နေပြည်တော်ရှိအားကစားနှင့်လူငယ်ရေးရာဝန်ကြီးဌာန စုပေါင်းအစည်းအဝေးခန်းမ၌ ကျင်းပသည့် ၂၀၂၄ ခုနှစ် ပဉ္စမအကြိမ် အမျိုးသားအားကစားပွဲတော် ကျင်းပရေးဦးစီး ကော်မတီ စတုတ္ထအကြိမ် အစည်းအဝေးတွင် ပြည်ထောင်စုဝန်ကြီးများ၊ ပြည် ထောင်စုစာရင်းစစ်ချုပ်၊ နေပြည်တော်ကောင်စီဥက္ကဋ္ဌ၊ ဒုတိယဝန်ကြီးများ၊ဌာနဆိုင်ရာအကြီးအကဲများနှင့် တိုင်းဒေသကြီးနှင့်ပြည်နယ် ဝန်ကြီးချုပ်များကို အမှာစကားပြောကြားရာတွင် ထည့်သွင်း ပြောကြားခဲ့ခြင်း ဖြစ်သည်။
“ဝန်ကြီးဌာနများ၊ ပြည်နယ် နှင့် တိုင်းဒေသကြီးများအနေဖြင့် မိမိတို့ဌာနနှင့် ဒေသအလိုက် ကိုယ်စားပြုပြီး စွမ်းစွမ်းတမံ ပါဝင်ယှဉ်ပြိုင် ဆုတံဆိပ်ဆွတ်ခူးရရှိခဲ့သည့် အားကစားသမားများကို ထိုက်ထိုက်တန်တန်ဆုချီးမြှင့်ပေးခြင်း၊ အလုပ်အကိုင်အခွင့်အလမ်းတွေ တိုးမြှင့်ပေး အပ်ခြင်း စသည်ဖြင့် စီစဉ်ဆောင်ရွက်ပေးပြီး အားပေးသွားကြရန်လိုကြောင်း၊ ယခုပြိုင်ပွဲကြီးက တစ်ဆင့် နိုင်ငံ့လက်ရွေးစင်အဖြစ် ရွေးချယ်ရရှိလာမည့် အားကစား သမားများကို စွမ်းရည်တိုးတက်ကောင်းမွန်အောင် ကျွေးမွေးမှု (Sports Nutrition)အပိုင်းတွင်လည်း အားကစားနည်းအလိုက် သိပ္ပံနည်းကျစနစ်တကျနှင့် ကယ်လိုရီတွက်ချက်ကျွေးမွေးစေရေး၊ ခွန်အားတိုးဖို့ တားမြစ်ဆေးမသုံးစွဲဘဲ တိုင်းရင်း ဆေးဝါးများနှင့် ဖေါ်စပ်ကျွေးမွေးစေရေးတို့ကိုဆောင်ရွက်ရန် စသည်ဖြင့် ကျန်းမာ ရေးဝန်ကြီးဌာနနှင့် ညှိနှိုင်းဆောင်ရွက်ရန်တိုက်တွန်းမှာကြားလိုကြောင်း”ဟု ဒုတိယဗိုလ်ချုပ်မှူးကြီးစိုးဝင်းက ပြောကြားခဲ့ခြင်း ဖြစ်သည်။
အမျိုးသားအားကစားပွဲတော်ကြီးကို အားကစား ပြိုင်ပွဲအဖြစ်သာ မရှုမြင်ဘဲ နိုင်ငံတော်အဆင့်အဓိပ္ပာယ်ရှိရှိ၊ အရည်အသွေးမြင့်မြင့်နှင့် စနစ်တကျအောင်မြင်အောင် ဆောင်ရွက်သွားကြရမည့် အမျိုးသားရေးတာဝန် တစ်ရပ်ဖြစ်သည်ဟု မှတ်ယူဆောင်ရွက်ကြရန်လိုကြောင်း၊ ပူးပေါင်းဆောင်ရွက်ရမည့် လုပ်ငန်းတာဝန်များကလည်း ကကြီးမာကျယ်ပြန့်ခြင်းကြောင့် ပြည်ထောင်စု ဝန်ကြီးဌာနများ၊ ပြည်နယ်နှင့် တိုင်းဒေသကြီးအစိုးရအဖွဲ့များ၊ မြန်မာနိုင်ငံ အားကစားအဖွဲ့ချုပ်များ၊ မြန်မာ့လက်ရွေးစင် အားကစားသမားဟောင်းကြီးများ၊ NGO အဖွဲ့အစည်းများ၊ မီဒီယာလောက သားများအပါအဝင် ပြည်သအခန်းကဏ္ဍရပ်လုံးက ကိုယ်စီကိုယ်စီကျရာ အခန်းကဏ္ဍအလိုက် အမျိုးသားရေးအသိ စိတ်ဓာတ်နှင့် ဝိုင်းဝန်းပူးပေါင်းဆောင်ရွက်ကြခြင်းဖြင့် အောင်မြင် စွာကျင်းပနိုင်မည်ဟုယုံကြည်ပါကြောင်းလည်း ပြောကြားခဲ့သည်။
အမျိုးသားအားကစားပွဲတော်များကို ယခုအချိန်ထိ (၄)ကြိမ် ကျင်းပခဲ့ပြီး ပထမအကြိမ်ကို ၁၉၉၂ ခုနှစ်၊ မေလ (၃) ရက်နေ့မှ (၁၆)ရက်နေ့ထိ ရန်ကုန်မြို့တွင် အားကစားနည်း (၂၂)နည်း၊ ဒုတိယအကြိမ်ကို ၁၉၉၄ ခုနှစ်၊ ဇန်နဝါရီလ (၂၅)ရက်နေ့မှ ဖေဖော် ဝါရီလ (၆)ရက်နေ့ထိ ရန်ကုန်မြို့တွင် အားကစားနည်း (၂၄)နည်း၊ တတိယအကြိမ်ကို ၁၉၉၇ ခုနှစ်၊ ဇန်နဝါရီလ (၁၁)ရက်နေ့မှ (၂၄) ရက်နေ့ထိ ရန်ကုန်မြို့တွင် အားကစားနဖေဖော်ဝါရီလး၊ စတုတ္ထအကြိမ်ကို ၂၀၁၅ ခုနှစ်၊ ဖေဖော်ဝါရီလ (၁၃)ရက်နေ့မှ (၂၈)ရက်နေ့ထိ နေပြည်တော်တွင် အားကစားနည်း (၂၇)နည်းတို့ဖြင့် ကျင်းပခဲ့ခြင်း ဖြစ်သည်။
ပဉ္စမအကြိမ် အမျိုးသားအား ကစားပွဲတော် ဖွင့်ပွဲ/ပိတ်ပွဲ အခမ်းအနားများကို ခေတ်ကာလနှင့်လျော်ညီစွာ နိုင်ငံတော်အဆင့် ခမ်းနားထည်ဝါစွာ ကျင်းပနိုင်ရေးအတွက်ဆောင်ရွက်နေကြေင်း သိရှိရသည်။
#centralnewsnaypyitaw
