ထိုင်းမှာ နိုင်ငံခြားသား (၅)သိန်းနီးပါးကို နိုင်ငံသား အသိမှတ်ပြုပေးသွားမယ်လို့ဆို
အောက်တိုဘာ ၃၁၊ နိုင်ငံတကာ။
ထိုင်းနိုင်ငံမှာ နှစ်ရှည်ရွှေ့ပြောင်းနေထိုင်တဲ့ နိုင်ငံခြားသား (၄၈၃၀၀၀) ဦးကို နိုင်ငံသား အဖြစ် အသိအမှတ်ပြု လက်ခံသွားမယ်လို့ ထိုင်းအစိုးရက ပြောပါတယ်။
ထိုင်းအစိုးရအဖွဲ့ အစည်းအဝေးကို အောက်တိုဘာ ၂၉ ရက်နေ့က ကျင်းပခဲ့ပြီး အဲ့အစည်းအဝေးမှာ အခုလို ဆုံးဖြတ်ချက်ချမှတ်ခဲ့တယ်လို့ အစိုးရ ပြောရေးဆိုခွင့်ရှိသူ Jirayu Huangsap က ပြောပါတယ်။
နိုင်ငံသားအဖြစ် အသိအမှတ်ပြုမယ့်လုပ်ငန်းစဉ်တွေနဲ့ ပတ်သက်ပြီး အချက်အလက်တွေကိုတော့ လပိုင်းအတွင်း ထုတ်ပြန်ကြေညာသွားမယ်လို့ သိရပါတယ်။
ထိုင်းနိုင်ငံအတွင်း ရွှေ့ပြောင်းနေထိုင်ခဲ့ကြသူတွေထဲက ၁၉၈၄ ခုနှစ်ကနေ ၁၉၉၉ ခုနှစ်အထိ နေထိုင်ခဲ့သူ ၁၂၀၀၀၀ ဉီး၊ ၂၀၀၀ ပြည့်နှစ်ကနေ ၂၀၁၁ ခုနှစ်အထိ နေထိုင်ခဲ့သူ ၂၁၅၀၀၀ ဦး၊ ထိုင်းမှာ မွေးဖွားကြီးပြင်းတဲ့ တိုင်းရင်းသားမျိုးနွယ် ကလေးငယ် ၂၉၀၀၀ ဦးနဲ့ နေထိုင်ခွင့်အထောက်အထားမရှိတဲ့ ထိုင်းနိုင်ငံမှာ မွေးဖွားလာတဲ့ ကလေးငယ် ၁၁၃၀၀၀ ဦးတို့ကို နိုင်ငံသားအဖြစ် အသိမှတ်ပြုပေးသွားမှာလို့ သိရပါတယ်။
#centralnewsnaypyitaw
