လန်ချန်း - မဲခေါင် ပိုက်ကျော်ခြင်းပြိုင်ပွဲမှာ မြန်မာ ငွေ နဲ့ ကြေး (၂)ဆုစီ ရရှိ
အောက်တိုဘာ ၃၁
လန်ချမ်း - မဲခေါင် ပူးပေါင်းဆောင်ရွက်တဲ့ တရုတ်ပိုက်ကျော်ြခင်း ပြိုင်ပွဲမှာ မြန်မာ့လက်ရွေးစင် ပိုက်ကျော်ခြင်း အသင်းက ငွေနဲ့ ကြေး (၂)ဆုစီ ရရှိခဲ့တယ်လို့ သိရပါတယ်။
အဲ့ဒီ ပြိုင်ပွဲတွေကို တရုတ်ပြည်သူ့သမ္မတနိုင်ငံ၊ ကွမ်ရှီးကျွမ့် ကိုယ်ပိုင်အုပ်ချုပ်ခွင့်ရ ဒေသ၊ နန်နင်းမြို့မှာ အောက်တိုဘာ ၂၃ ရက်နေ့ကနေ ၂၇ ရက်နေ့အထိ ကျင်းပပြုလုပ်ခဲ့တာပဲ ဖြစ်ပါတယ်။
ပြိုင်ပွဲကို မြန်မာ၊ တရုတ်၊ ထိုင်း၊ ကမ္ဘောဒီးယား၊ လာအိုနဲ့ ဗီယက်နမ် နိုင်ငံတို့ ပါဝင် ယှဉ်ပြိုင်ခဲ့ကြတယ်လို့ သိရပါတယ်။
ပြိုင်ပွဲတွေရဲ့ အမျိုးသား (၄)ယောက်တွဲပြိုင်ပွဲမှာ ထိုင်းအသင်းက ပထမ၊ ဗီယက်နမ် (A) အသင်းက ဒုတိယ၊ မြန်မာနဲ့ လာအိုအသင်းတို့က ပူးတွဲ တတိယ ရရှိခဲ့ကြပါတယ်။
ဒါအပြင် အမျိုးသမီး (၃) ယောက်တွဲ ပြိုင်ပွဲမှာ ထိုင်းအသင်းက ပထမ၊ ဗီယက်နမ် (A) အသင်း က ဒုတိယ၊ မြန်မာနဲ့ တရုတ်အသင်းတို့က ပူးတွဲ တတိယ ရရှိခဲ့ကြတာပဲ ဖြစ်ပါတယ်။
#centralnewsnaypyitaw
