ဗိုင်းရပ်စ်ကြောင့် ပဲရစ်မာစတာပြိုင်ပွဲမှ ဆင်နာ နုတ်ထွက်
-------------------------
ကမ္ဘာ့အဆင့်-၁ အီတလီတင်းနစ်သမား ဆင်နာဟာ အစာအိမ်ဗိုင်းရပ်စ်ကြောင့် ကျင်းပနေတဲ့ ပဲရစ်မာစတာ တင်းနစ်ပြိုင်ပွဲ ကနေ နုတ်ထွက်လိုက်တယ်လို့ အောက်တိုဘာ ၂၉ ရက်နေ့က ကြေညာခဲ့ပါတယ်။ အသက် ၂၃ နှစ်အရွယ် ဆင်နာဟာ ပြီးခဲ့တဲ့တစ်ပတ်က ဆော်ဒီမှာ ကျင်းပခဲ့တဲ့ နာမည်ကျော် တင်းနစ်သမား ၆ ယောက် ပါဝင်တဲ့ တင်းနစ်သရုပ်ပြပွဲမှာ ပါဝင်ကစားခဲ့တာဖြစ်ပြီး ဗိုလ်လုပွဲအဆင့်မှာ စပိန်တင်းနစ်သမား အယ်ကာရက်ဇ်ကို အနိုင်ရထားခဲ့တာ ဖြစ်ပါတယ်။
အဲဒီနောက်ပိုင်း ပဲရစ်မာစတာပြိုင်ပွဲအတွက် လေ့ကျင့်ပြင်ဆင်မှုတွေပြုလုပ်နေခဲ့ပေမယ့် ပထမ အဆင့်ပွဲစဉ် ကစား ဖို့ ရက်ပိုင်းအလိုမှာပဲ ပြိုင်ပွဲကနေ နုတ်ထွက်သွားခဲ့တာဖြစ်ပါတယ်။ ဆင်နာရဲ့ နေရာမှာ ပြင်သစ် တင်းနစ်သမား အာသာ ကာဇော့ဇ်ကို အစားထိုးလိုက်တယ်လို့ ပြိုင်ပွဲကျင်းပရေးအဖွဲ့က အတည်ပြုခဲ့ပါတယ်။
ပြီးခဲ့တဲ့တစ်ပတ်ကလည်း ပြိုင်ပွဲရဲ့ လက်ရှိချန်ပီယံ ကမ္ဘာ့အဆင့်-၄ ဆားဘီးယား တင်းနစ် သမား ဂျိုကိုဗစ်က ပြိုင်ပွဲကနေ နုတ်ထွက်ထားခဲ့လို့ ပဲရစ်မာစတာပြိုင်ပွဲအနေနဲ့ နောက်ထပ် ကမ္ဘာ့အဆင့် ကစားသမားတစ်ယောက် ကို ထပ်မံဆုံးရှုံးရတာလည်း ဖြစ်ပါတယ်။ ပဲရစ်မြို့မှာ ကျင်းပနေတဲ့ ပဲရစ်မာစတာ တင်းနစ်ပြိုင်ပွဲကို အောက်တို ဘာ ၂၈ ရက်ကနေ နိုဝင်ဘာ ၃ ရက်နေ့အထိ ယှဉ်ပြိုင်ရမှာဖြစ်ပါတယ်။
