သွင်းကုန်လုပ်ငန်းရှင်များအတွက် ယွမ်နှင့် ဘတ် ရောင်းပေးမည်
ဗဟိုဘဏ်မှ နိုင်ငံခြားငွေကြေးဈေးကွက် (FX Trading Platform) တွင် သွင်းကုန်လုပ်ငန်းရှင်များအား တရုတ်ယွမ် (၅) သန်းနှင့် ထိုင်းဘတ် (၂၅) သန်း ရောင်းချပေးမည်ဖြစ်ကြောင်း ယနေ့တွင် အသိပေးထုတ်ပြန်ထားသည်။
ဗဟိုဘဏ်အနေဖြင့် နိုင်ငံခြားငွေလဲလှယ်နှုန်းများ အဆမတန်မြင့်တက်လာပြီး နောက်ပိုင်း သွင်းကုန်လုပ်ငန်းရှင်များအဆင်ပြေစေရန် နိုင်ငံခြားငွေကြေးဈေးကွက်အတွင်း နိုင်ငံခြားငွေများကိုဆက်တိုက်ထုတ်ရောင်းပေးခဲ့သည်။
ထို့ပြင် သီတင်းကျွတ်ရုံးပိတ်ရက်ကာလအပြီး ဗဟိုဘဏ်မှ နိုင်ငံခြားငွေများကို ဆက်တိုက်ထုတ်ရောင်းပေးခဲ့ရာ ယခုတစ်ကြိမ်ထုတ်ရောင်းပေးမှု အပါအဝင် ဩဂုတ်လ (၁) ရက်မှ အောက်တိုဘာ (၂၈)ရက်အထိ နှစ်လခွဲကျော်အတွင်း ဒေါ် လာ (၂၁၅) သန်းခွဲကျော်၊ ထိုင်းဘတ် (၇၆၀)သန်းရောင်းပေးခဲ့သလို တရုတ်ယွမ် (၃၈) သန်းကျော် ထုတ်ရောင်းပေးခဲ့ပြီးဖြစ်သည်။
ထို့ပြင် ယခုဘဏ္ဍာနှစ်၊ ဧပြီလမှ အောက်တိုဘာလအထိ (၇) လအတွင်း စက်သုံးဆီ၊ စားသုံးဆီနှင့် သွင်းကုန်လုပ်ငန်းရှင်များအတွက် ဒေါ်လာသန်း (၁,၀၀၀)ကျော် ထုတ်ရောင်းပေးထားကြောင်း မြန်မာနိုင်ငံတော်ဗဟိုဘဏ်မှ ထုတ်ပြန်ကြေညာထားသည်။
