ONE Championship ပွဲဦးထွက်မှာ အသက်ငယ်ဆုံး ကစားသမားက Supergirl ပါတဲ့။ ပွဲဦးထွက် ကစားတဲ့အချိန်မှာ (၁၆) နှစ် (၉) လပဲရှိပါသေးတယ်။ ONE Championship မှာ (၂) ပွဲဆက်နိုင်ပြီး နာမည်ရလာတယ်။ ဒါပေမယ့် Stamp ကိုရှုံးပြီးမှသာ နာမည်ကြီးလာတာပါ။ ရှုံးပေမယ့် အပိုဆုကြေး ဒေါ်လာ (၅) သောင်းရလိုက်သေးတယ်။
အဲဒီပွဲမှာ အများစုက Supergirl နိုင်သင့်တယ်လို့ ထင်ကြတယ်။ ရှုံးတာကလည်း Split Decision ဖြစ်ပြီး ကပ်ရှုံးတာပါ။ အခုဆိုရင် Supergirl က နာမည်ပြောင်အတိုင်းပဲ စူပါစတားကောင်မလေးဖြစ်လာတယ်။ အခုဆိုရင် မွေထိုင်း Seminar တွေ လုပ်လာတယ်။ အမေရိကန်နိုင်ငံကို ခဏခဏသွားနေတယ်။ ငွေရှာတတ်သွားပြီ။ အစ်မကြီး Wonder girl ထက်တောင် နာမည်ပိုကြီးလာတယ်။
နောက်ဆုံးပွဲမှာ Supergirl က စပိန်သူ Cristina Morales ကို ရှုံးထားပါတယ်။ ပထမအချီမှာတင် အလဲထိုးခံရတာပါ။ ဝိုက်လက်သီးမေးထိတည်းက Supergirl မူးနေပါပြီ။ Body Shot တွေ ဆက်ထိသွားလို့ အစောပိုင်းမှာတင် ပွဲပြတ်သွားတာပါ။ Cristina Morales ကစားအားကောင်းတယ်။
Supergirl က ONE Championship မှာ (၅) ပွဲကစားဖူးပြီး (၃) ပွဲနိုင် (၂) ပွဲရှုံးထားပါတယ်။ အရင်တုန်းက ရှိုးမထုတ်တတ်သေးဘူး။ ကလေးစိတ်လေး။ အခုနောက်ပိုင်းမှာ ဂိုက်ပေးကြမ်းလာပြီ။ အသက်ကလည်း (၂၀) ပြည့်လာပြီကိုး။ အောင်မြင်မှုအပေါင်း သရဖူးဆောင်းနိုင်ပါစေကွယ်။ စာဖတ်သူတွေ ဘေးကင်းပါစေ။
+-x÷+-x÷+-x÷+-x÷+-x÷+-x÷+-x÷+-x÷+-x÷+-x÷

Reference Source - ONE Championship
Photo Credit - Supergirl
Credit to ကျော်စိုးအောင် (Myanmar Fight Edition)