ပီအက်စ်ဂျီကို အမ်ဘာပေ
ချန်ထားရစ်ခဲ့ပြီ
Coupe de France Final မှာတော့ ပီအက်စ်ဂျီဟာ လိုင်ယွန်ကို ၂ဂိုး၁ဂိုးဆိုတဲ့ ရလဒ်နဲ့ အနိုင်ယူပြီး ဗိုလ်စွဲခဲ့ပါတယ်။ ဒီပွဲဟာ ကီလီယမ်အမ်ဘာပေအတွက် ပီအက်စ်ဂျီကစားသမားဘ၀ နောက်ဆုံးပွဲစဉ်လို့ ဆိုနိုင်ပြီး ပဲရစ်မြို့သားတွေနဲ့အတူ နောက်ဆုံး ဆုဖလား သိမ်းပိုက်ခဲ့လို့ညဆိုရပါမယ်။
အသက်၂၅နှစ်ပဲ ရှိသေးပေမယ့် အမ်ဘာပေဟာ အသင်းကနေ ဂန္တ၀င်ကစားသမားတစ်ဦးအနေနဲ့ ထွက်ခွာသွားမှာပါ။ အသင်းနဲ့အတူ ၇နှစ်တာကာလအတွင်း ၂၅၆ဂိုးသွင်း၊ ၉၁ကြိမ်ဂိုးဖန်တီးမှု ပြုလုပ်ထားခဲ့ပြီး အသင်းရဲ့သမိုင်းမှာ သွင်းဂိုးအများဆုံး ကစာသမားအနေနဲ့ ရပ်တည်နေပါတယ်။
ဆုဖလားတွေအနေနဲ့လည်း အသင်းနဲ့အတယ လီဂူး၀မ်းဆုဖလား ၆ကြိမ်၊ Coupe de France ဖလား ၄ကြိမ် သိမ်းပိုက်ထားခဲ့ပြီး တစ်ကိုယ်တော်အနေနဲ့ လီဂူး၀မ်းနဲဘ ၁နှစ်တာအကောင်းဆုံး ကစားသမားဆုကို ၅ကြိမ်၊ ဂိးသွင်းဘုရင်ဆုကို ၆ကြိမ်အထိ သိမ်းပိုက်ထားခဲ့ပါပြီ။
ချန်ပီယံလိဂ်ဆုဖလားကွက်လပ်လေးကလွဲရင် အမ်ဘာပေရဲ့ ပီအက်စ်ဂျီကစားသမားဘ၀က ခမ်းနားခဲ့ပါတယ်။ မကြာခင်တော့ မက်ဒရစ်နဲ့အတူ ခမ်းနားတဲ့ စာမျက်နှာသစ်တစ်ခု ဖွင့်ပါတော့မယ်။ နောက်ဆုံးတော့ ပြင်သစ်သားဟာ ပီအက်စ်ဂျီကို ချန်ထားရစ်ခဲ့ပါပြီ။
