စိတ်ဓါတ်ကျတော့မယ်ဆိုရင် ဖတ်ပါ
=============================
လောကကြီးမှာ မင်းထက်တော်တဲ့သူဆိုတာမရှိဘူး မင်းထက်ကြိုးစားနေတဲ့ သူတွေပဲရှိတယ်။
မင်းထက်အရည်အချင်းပြည်စုံတဲ့ သူဆိုတာမရှိဘူး မင်းလိုပဲ ကိုယ့်ရဲ့အရည်
အချင်းကို ပြည့်စုံလာအောင် ကြိုးစားနေတဲ့ သူတွေပဲရှိတယ်။
မင်းတစ်ယောက်တည်း စိတ်ညစ်စရာတွေ ပျော်စရာတွေရှိနေတာ မဟုတ်ဘူး။
မင်းလိုပဲ စိတ်ညစ်စရာတွေနဲ့ ပျော်စရာတွေရဲ့ကြားမှာ အဆင်ပြေအောင် နေ နေရတဲ့ သူတွေပဲရှိတယ်။
မင်းတစ်ယောက်တည်း မျက်ရည်ကျဖူးတာ မဟုတ်ဘူး။
လူဆိုတာ မွေးကတည်းက အငိုနဲ့စပြီး အငိုနဲ့အဆုံးသတ်ကြတာ သဘာဝပဲ။
မင်းတစ်ယောက်တည်း ကျရှုံးဖူးတာ မဟုတ်ဘူး။
ဘဝမှာ ရှုံးနိမ့်ခြင်းဆိုတာကို လူသားတိုင်း ခံစားဖူးကြတာချည်းပဲ။
မင်းတစ်ယောက်တည်း ဖြစ်ချင်တာတွေ ဖြစ်ခွင့်မရခဲ့တာ မဟုတ်ဘူး။
လူသားတွေထဲမှာ ကိုယ်ဖြစ်ချင်တာကို ဖြစ်ခွင့်မရပဲ သေဆုံးသွားကြရသူတွေ အများကြီးရှိတယ်။
ဒါကြောင့် မင်းဘာလို့အားငယ်နေမှာလဲ။မင်းဘာလို့ စိတ်ဓါတ်ကျနေမှာလဲ။
မင်းဘာကြောင့် တွေဝေနေမှာလဲ။
မင်းဘာကြောင့် စိတ်ညစ်နေမှာလဲ။
မင်းဘာကြောင့် ကြောက်ရွံ့နေမှာလဲ။
ဘဝရဲ့စိန်ခေါ်မှုတွေအောက်မှာ ဘယ်
တော့မှဒူးမထောက်လိုက်နဲ့ ကောင်လေး၊ကောင်မလေးတို့။
မင်းအမေက ဘဝကိုအရှုံးပေးဖို့အတွက်မင်းကို အသက်နဲ့ရင်းပြီး မွေးခဲ့တာမဟုတ်ဘူး။ဒါကြောင့် အခုချက်
ချင်း မင်းမျက်ရည်တွေကို သုတ်လိုက်။
မနက်ဖြန်တိုင်းဟာ မင်းအတွက်ကံကောင်းခြင်းတွေ ဆီးကြိုနေတယ်လို့ ယုံကြည်ပြီး မင်းကြိုးစားလိုက်စမ်းပါ။
မင်းလည်းလူပဲ တခြားသူတွေလည်းလူတွေပဲ။လူဆိုတာ မျှော်လင့်ချက်တွေနဲ့ အသက်ရှင်နေတဲ့ သူတွေဆိုရင် ကိုယ့်ရဲ့မျှော်လင့်ချက် အိမ်မက်ကို တကယ်ဖြစ်လာအောင် လုပ်နိုင်တဲ့သူရယ်၊မလုပ်နိုင်တဲ့ သူရယ်ပဲရှိတယ်။
အိမ်မက်တွေကြားမှာပဲ နိုးမထနိုင်ပဲ သံသရာလည်နေတဲ့သူတော့ မင်းမဖြစ်စေနဲ့ ကောင်လေး၊ကောင်မလေးတို့။