Scarlett Johansson ရဲ့အသံကို ခွင့်ပြုချက်မရှိပဲ သုံးခဲ့တဲ့ OpenAI

OpenAI ရဲ့ AI voice assistence SKY ဆိုတဲ့ Model မှာ Scarlett Johansson ( Marvel Fan တွေကတော့ Black Widow) လို့လူသိများတဲ့ မင်းသမီးရဲ့ အသံကို ခွင့်ပြုချက်မရှိပဲ ယူသုံးထားတယ်လို့ ပြောဆိုမှုတွေဖြစ်နေပါတယ်။

OpenAI ရဲ့ အသစ်ထွက်ထားတဲ့ AI Model ရဲ့ Voice Model တစ်ခုထဲက SKY ဟာ မင်းသမီး Scarlett Johansson ရဲ့အသံနဲ့ဆင်တူနေလို့ Scarlett Johansson ရဲ့ ရှေ့နေတွေနဲ့ အေဂျင်စီဖက်က OpenAI ကိုခွင့်ပြုချက်မရှိပဲ ယူသုံးတဲ့အကြောင်းပြချက်နဲ့ ဘာလို့တူနေရတာလဲဆိုတဲ့ ဖြေရှင်းချက်ပေးဖို့ OpenAI ကို တရားဝင်မေးမြန်ထားပါတယ်။

AI Model SKY ရဲ့အသံဟာ ၂၀၁၃ တုန်းကထွက်ထားတဲ့ Sci-fi ဇာတ်ကားဖြစ်တဲ့ Her ထဲမှာ Scarlett Johansson အသံသရုပ်ဆောင်ထားတဲ့ AI ရဲ့အသံနဲ့အတော်လေးတူညီနေပြီး အဆိုပါဇာတ်ကားဟာလည်း OpenAI CEO Sam Altman ရဲ့ အကြိုက်ဆုံးဇာတ်ကားတွေထဲက တစ်ခုဖြစ်ကြောင်းကိုလည်း Sam ကိုယ်တိုင် Twitter မှာ လွန်ခဲ့တဲ့တစ်ပတ်က ရေးသားထားပါတယ်။

Scarlett Johansson ကိုယ်တိုင်က လွန်ခဲ့တဲ့ စက်တင်ဘာတုန်းက Sam ကိုယ်တိုင်သူ့ကိုဆက်သွယ်ပြီး ChatGPT 4 ရဲ့ Voice ကိုယ်သုံးလိုကြောင်း ကမ်းလှမ်းထားတာမျိုးရှိခဲ့ပြီး Scarlett Johansson ရဲ့အသံက နားထောင်သူတိုင်းကို စိတ်ချမ်းမြေ့စေနိုငမယ့် အသံဖြစ်ကြောင်းကိုလည်း ပြောပြခဲ့ပါတယ်။ ဒါပေယ့် Scarlett Johansson က ဒီအလုပ်ကိစ္စကို ငြင်းဆိုခဲ့ပါတယ်။ SKY ကို Release မလုပ်ခင် ၂ ရက်အလိုကလည်း OpenAI ဖက်ပြန်လည်ဆက်သွယ်ပြီး အလုပ်ကိစ္စကို ပြန်လည်စဥ်းစားဖို့ ညှိနှိုင်းခဲ့ပါသေးတယ်။

လောလောဆယ်မှာတော့ Scarlett Johansson အနေနဲ့ Sam Altman လိုလူမျိုးက ဒီလိုမျိုး အခွင့်မရှိပဲ အသံယူသုံးတဲ့ကိစ္စနဲ့ပတ်သက်လို့ မကျေမနပ်ဖြစ်နေပါတယ်။ ဒီကိစ္စကိုလည်း တရားရေးအရ ဆက်လက်ဆောင်ရွက်သွားမယ်လို့ ပြောဆိုထားပါတယ်။ လောလောဆယ်မှာတော့ OpenAI ရဲ့ SKY Model ကို သုံးစွဲခွင့် ပြန်လည်ဖြုတ်ချထားပါတယ်။