သင်သည်
သူ့အတွက်
အရေးမကြီးဘူးဆိုရင်
သူ မဆက်သွယ်ဘဲနေမှာပေါ့။
သင်သည်
သူ့အတွက်
ဘာမှမဟုတ်ဘူးဆိုရင်
သူ စကားမပြောဘဲနေမှာပေါ့။
သင်သည်
သူ့အတွက်
နေရာမရှိဘူးဆိုရင်
သူ အလုပ်များနေတယ်ပြောမှာပေါ့။
သင်သည်
သူ့အတွက်
လွမ်းစရာမဟုတ်ဘူးဆိုရင်
သူ ခပ်ဝေးဝေးကရှောင်နေမှာပေါ့။
သင်တာအနားက တိတ်တိတ်လေး
ပျောက်ကွယ်နေကြည့်
စိတ်ပူနေတတ်သူက သင့်အတွက်အရေးပါသူပဲ။
သူစိတ်ပူနေ၍ မေးမိတဲ့အခါ
ကိုယ့်ဘက်က အရေးမပါတာတွေဆိုပြီး
ဂရုမစိုက်တာတော့မပြုမိစေနဲ့ပေါ့
သင့်အတွက်အရေးမပါပေမဲ့ သူ့အတွက်စိတ်မကောင်းဖြစ်စေတတ်၍ပါ။
သင့်အနားက အရစ်သန်နေတယ်ဆိုတာ
သင့်အနားမှာ ပွစိပွစိစကားတွေများနေတယ်ဆိုတာ
သူ့စိတ်မှာ သင်သည် အရေးပါနေသူဖြစ်နေ၍ပါပဲ။
သူမရစ်တော့တဲ့အခါ
သူစကားတွေမများတော့တဲ့အခါ
သူသင့်ကိုသတိမထားတော့တဲ့
သင့်ဘဝထဲကတိတ်တိတ်လေး
သူထွက်သွားပြီဆိုတာသိထားလိုက်ပါ။
သင့်ဖုန်းလေးကို ပြန်ဖွင့်ကြည့်လိုက်
သူ့ဆီကဆက်သွယ်ထားတဲ့ ဖုန်းများရောက်နေလေမလား။ သင့်အကောင့်လေးကို ပြန်စစ်ကြည့်လိုက်သူ့ဆီကပို့ထားတဲ့ messageလေးများရောက်နေလေမလား။
တကယ်မြတ်နိုးသူတိုင်း စိတ်ပူတတ်သလို
ကိုယ့်ဘဝအရေးပါသူတွေအတွက်
အချိန်တစ်ခုအမြဲပေးနေတတ်တယ်လေ။
ကိုယ့်အတွက်အရေးမပါသူအတွက်
ကိုယ်စကားမပြောချင်သလို
ကိုယ့်အတွက်အရေးပါသူတွေအတွက်
ကိုယ့်အချိန်လေးတွေပေးနေနိုင်အောင်ကြိုးစားမိသလိုမျိုးပေါ့။
အကယ်၍ဤစာလေးကို သင်ဖတ်မိတဲ့အခါ
သင့်စိတ်မှာသတိရသူတစ်ဦးဦးတစ်ယောက်
ရှိလာခဲ့တယ်ဆိုရင် အမြန်ဆုံးဆက်သွယ်လိုက်ပါ။
သူကိုယ့်အနားက အဝေးဆုံးတွက်မသွားဘူးဆိုတာ
ဆက်သွယ်၍ရနေသော လိပ်စာနှင့်ဖုန်းနံပါတ်လေးတွေက သက်သေပြနေပါလိမ့်မည်။
