"စိတ်ကြွက်သားတွေ ပိုမိုသန်မာလာစေဖို့"
🔳 ဝိတ်မ တဲ့အခါ ကြွက်သားတွေ ဘာကြောင့် ကြီးလာသလဲ သိပါသလား။
ဒီလိုပြင်းထန်တဲ့ ဖိအားသက်ရောက်မှုကြောင့် ကြွက်သားအမျှင်တွေ စုတ်ပြဲပျက်စီးသွားပါတယ်။ အဲဒါကို ပြုပြင်တယ်။ အစားထိုးတယ်။ ဒီလိုနဲ့ ကြွက်သားထုက တဖြည်းဖြည်း ကြီးလာတာ ဖြစ်ပါတယ်။
ဝိတ်မ,မရင်၊ Plank မထောက်ရင်၊ Push-up မလုပ်ရင်၊ Belly မရိုက်ရင် ကြွက်သားတွေက မပျက်စီးဘူး။ မပျက်စီးတော့ ကြီးထွားမလာဘူး။ ဒီတော့ လက်မောင်းကြွက်သား၊ ရင်အုပ်ကြွက်သား၊ Six packs ဒါတွေလည်း ထွက်မလာတော့ဘူး။
ပြောချင်တာက ကြွက်သားထွက်လာတယ် ဆိုတာ နာကျင်မှုကို ကျော်ဖြတ်ပြီးမှ ရနိုင်တဲ့အရာမျိုးပဲ။
🔳 စိတ်ပိုင်းဆိုင်ရာ ကြံ့ခိုင်မှုကလည်း ဒီသဘောပါပဲ။
အခက်အခဲတွေနဲ့ ရင်ဆိုင်ရတယ်။ ပြိုလဲတယ်။ စိတ်ဓါတ်ကျတယ်။ ဒါတွေကို ကုစားရတယ်။ အားပြန်မွေးရတယ်။ ပြီးတဲ့အခါ ပိုသန်မာတဲ့ လူတစ်ယောက်အဖြစ်နဲ့ ပြန်လည်ထွက်ပေါ်လာတယ်။
🔳 ဘဝမှာ ကံသိပ်ကောင်းတဲ့သူတွေ တွေ့ဖူးပါတယ်။ ဘာဆို ဘာဒုက္ခမှ မရှိတဲ့သူတွေပေါ့။ ရွှေပေါ်မြတင် ဘဝကို ဖြတ်သန်းကြရတယ်။ လူတကာ အားကျကြရတယ်။
အဲဒီလို အမြဲတမ်း အနိုင်ရနေတဲ့အခါ ဘယ်လိုရှုံးနိမ့်ရမယ်မှန်း မသိတော့ဘူး။ အဆင်မပြေမှုတွေ၊ အခက်အခဲတွေ ကြုံရတဲ့အခါ ဘယ်လိုရင်ဆိုင်ရမယ် မသိတော့ဘူး။
🔳 စိတ်ပညာရှင် Angela Duckworth ကတော့ သူ့စာအုပ်ထဲမှာ ခုလို သုံးနှုန်းထားပါတယ်။
“Fragile Perfects” တဲ့။
"ထိရှလွယ်၊ ကွဲအက်လွယ်သော ပြီးပြည့်စုံသူများ" လို့ ဘာသာပြန်ချင်တယ်။ အကုန်တော့ ပြည့်စုံနေတယ်။ ဘာမှ မဖြစ်သေးသရွေ့ပေါ့။ တစ်ခုခု ဖြစ်လိုက်တာနဲ့ ပြိုဆင်းသွားရော။
ဒါကြောင့် စိတ်ဓါတ်ကြံ့ခိုင်ခြင်းဟာလည်း ခန္ဓာကိုယ်မှာ ကြွက်သားတည်ဆောက်သလိုပဲ အခက်အခဲတွေကို ရင်ဆိုင်ဖူးတော့မှသာ ရလာနိုင်တဲ့ အရာမျိုး ဖြစ်ပါတယ်။
🔳 ဘာနာကျင်မှုမှ မကြုံဖူးတဲ့ လူတစ်ယောက်ရဲ့ ခန္ဓာကိုယ်က မကျစ်လစ်ဘူး။ ဘာအခက်အခဲမှ မရှိဖူးတဲ့ လူတစ်ယောက်ရဲ့ စိတ်ဟာလည်း ပွယောင်းယောင်း ဖြစ်နေတတ်ပါတယ်။
ဒါကြောင့် အခက်အခဲတွေကို ကိုယ့်အတွက် Workout လုပ်နေသလို၊ Gym ကစားနေသလို၊ ဝိတ်မ,နေသလို သဘောထားပြီး ရင်ဆိုင်ကြည့်ပါ။ ဒုက္ခပေးလာသူတွေကိုလည်း ကိုယ့်ရဲ့ Gym Trainer အဖြစ် မြင်ယောင်ကြည့်ပါ။
ဒီအရာတွေကသာ ကိုယ့်ရဲ့ “စိတ်ကြွက်သား” ကို ပိုမိုကြံ့ခိုင်လာစေမှာ ဖြစ်ပါတယ်။
🔳🔳🔳🔳🔳🔳🔳
ဇွန်လ ၃ ရက်နေ့ စမယ့် "Mental Resilience" သင်တန်းအကြောင်း အသေးစိတ် သိချင်ရင် ဒီမှာဖတ်လို့ ရပါတယ်။
https://www.facebook.com/photo.....php?fbid=9910833157
အပ်မယ်ဆိုရင်တော့ ဒီကို စာပို့ပြီး အပ်လို့ရပါတယ်။ ကျေးဇူးတင်ပါတယ်ခင်ဗျ။
https://m.me/61555309377597
