ထမင်းပေါင်းအိုး နဲ့ အလွယ်တကူ လုပ်နိုင်တဲ့ ကိတ်မုန့်
နူးညံ့တဲ့ စားချင်စဖွယ် ကိတ်မုန့်တစ်လုံး ဖြစ်လာဖို့ ကြက်ဥ၊ သကြား၊ ပျားရည်၊ ဂျုံး၊ ဆော်ဒါ (လက်ဖက်ရည်ဇွန်းတစ်ဝက်)၊ နို့၊ ဆီ ၊ ခရင်မ် နဲ့ ထမင်း ပေါင်းအိုး လိုအပ်ပါတယ်။
(၁) သကြား (၅၀)ဂရမ်၊ ကြက်ဥ (၁၂၆)ဂရမ် နဲ့ ပျားရည်(၁၉)ဂရမ်ကို ရောပြီး စေးကပ်တဲ့ အထိ မွှေပါ။
(၂) ဂျုံ (၅၀)ဂရမ် နဲ့ ဆော်ဒါ စကာစစ်ချအမှုန့်ကို ရောထည့်ပြီး သမအောင် ထပ်မွှေပါ။
(၃) ပြီးနောက် ဆီ(၁၂)ဂရမ် နဲ့ နို့(၁၉)ဂရမ်ကို ရောမွှေပြီး ထည့်ပေါင်းပါ။ အရောင်နဲ့ အနံ့အတွက် ကြိုက်နှစ်သက်ရာဆိုးဆေး (၁)စက်လောက်နဲ့ ဗနီလာ လက်ဖက်ဇွန်း တစ်ဝက်ကို ထည့်မွှေ ပေါင်းစပ်နိုင်ပါတယ်။
(၄) ပုံမှာ oven ကို အသုံးပြုထားပေမယ့် အားလုံး ထည့်မွှေပြီးနောက် မုန့်နှစ်ရည်ကို ထမင်းပေါင်းအိုးထဲ လောင်းထည့်ပြီး ထမင်းချက်သလို ချက်နိုင်ပါတယ်။ ခလုတ်တက်လာလို့ မကျက်သေးရင် ခလုတ်ထပ်နှိပ်ပါ။
(၅) ခလုတ်တတ်လာရင် သွားကြားထိုးတံလေးနဲ့ ထိုးကြည့်လို့ မုန့်သားကပ်ပါမလာရင် ရပါပြီ။
(၆) နောက်ဆုံး အသဲပုံလိုချင် အသဲပုံ၊ အဝိုင်းလိုချင် အဝိုင်းအတိုင်း လိုသလို လှီးဖြတ်ပြီး အအေးခံပါ။ ပြီးနောက် ခရင်မ် ထည့်ပါ။ ကိတ်ကို တစ်လွှာချင်းစီ ထပ်တာ ဒါမှမဟုတ် မိမိကြိုက်နှစ်သက်တဲ့ အသီး၊ ချောကလတ်တို့နဲ့ အလှဆင် စားသုံးနိုင်ပါပြီရှင်။
.
