မမြင်ချင်တော့လို့ ဖျက်ပစ်လိုက်တဲ့ အတိတ်ဟောင်းကပုံတွေကို ပြန်ပြပေးနေတဲ့ Apple ရဲ့ iOS 17.5 Bug
iPhone တွေအတွက် အသစ်ထုတ်ပေးလိုက်တဲ့ iOS 17.5 ဗားရှင်းရဲ့ Photos App မှာ လွန်ခဲ့တဲ့နှစ်များစွာကတည်းက ဖျက်ပစ်ခဲ့တဲ့ ပုံတစ်ချိူ့ ပြန်ပေါ်လာတဲ့ ပြဿနာဖြစ်နေပါတယ်။ ဒီပြဿနာက iOS 17.5 တင်လိုက်တဲ့ User တချိူ့မှာ ကြုံတွေ့နေရတာပါ။ လူတိုင်းတော့ မဟုတ်ပါဘူး။
Report တွေအရ ၂၀၁၀ တုန်းက ပုံတွေပါသလို၊ ဒီနှစ်အစောပိုင်းတုန်းက ပုံတွေလည်း ပါပါတယ်။ ဒီပြဿနာကြောင့်ပဲ Security နဲ့ Privacy အပိုင်းမှာ နာမည်ကြီးတဲ့ Apple ဟာ မေးခွန်းထုတ်ခံနေရပါတယ်။
Apple အနေနဲ့ User တွေက Permanently Delete လုပ်ပစ်လိုက်တဲ့ ပုံတွေကို ခွင့်ပြုချက်မရှိဘဲ သူတို့ရဲ့ Servers တွေမှာ ဆက်ပြီးသိမ်းထားတာလားဆိုတာ မေးစရာရှိလာပါတယ်။ Apple ဘက်ကတော့ ဒီကိစ္စနဲ့ ပတ်သက်ပြီး ဖြေရှင်းချက်ထုတ်ပြန်မလာသေးပါဘူး။
ဘာပဲဖြစ်ဖြစ် အတိတ်ဟောင်းမှာ စိတ်မကောင်းစရာတွေ ရှိနေရင်တော့ iOS 17.5 ကို Update မလုပ်သေးတာ ကောင်းပါတယ်။
