Mac အတွက် Application ထွက်လာတော့မယ့် OpenAI ရဲ့ ChatGPT App

iOS တွေနဲ့ Android တွေအတွက် OpenAI App ကထွက်လာခဲ့တာ လအတန်ကြာပါပြီ။ ခုချိန်မှာတော့ OpenAI အနေနဲ့ Mac User တွေအတွက် Stand Alone App ကိုပါ ထုတ်ပေးတော့မယ်လို့ တရားဝင်ကြေငြာလိုက်ပါတယ်။ လောလောဆယ်မှာတော့ ChatGPT + ဝယ်သုံးတဲ့သူတွေအတွက် စမ်းသပ်သုံးစွဲခွင့်ရနေပါပြီ။ ရိုးရိုး Version သုံးနေသူတွေကတော့ မကြာခင်လို့ပဲ ကြေငြာထားပါတယ်။

Mac App မှာဆိုရင် ပိုပြီး User Friendly ဖြစ်၊ ပိုပြီး AI နဲ့စကားပြောရတာ အဆင်ပြေမယ့် UI အသစ်ကိုပြောင်းလဲပေးထားသလို၊ Mic ဖွင့်ပြီးလည်း အသံနဲ့တစ်ဆင့် AI ကိုအသုံးပြုနိုင်မှာပါ။

အသစ်ထွက်လာမယ့် ChatGPT-4 Omini ကိုလူတိုင်းအခမဲ့နီးပါးသုံးစွဲခွင့် ပေးသွားမှာဖြစ်သလို၊ လူတစ်ယောက်နီးပါးလိုမျိုး ဆက်သွယ်အသုံးပြုနိုင်ဖို့အထိ ရည်မှန်းထားတယ်လို့ OpenAI ကရည်မှန်းထားတာပါ။ ChatGPT-4o မှာ အရင်ကလို စာတွေကြီးပဲ Reply ပြန်တာမျိုးမဟုတ်ပဲ၊ အသံဖိုင်တွေ၊ ပုံတွေနဲ့လည်း Reply ပြန်နိုင်မယ့် စွမ်းရည်ပါဝင်ဦးမှာပါ။

Apple ကလည်း Siri ကို ChatGPT နဲ့ Google Bard တို့ထဲက တစ်ခုခုကို အသုံးပြုပြီး အဆင့်မြှင့်တင်ပြီး Apple AI ထွက်လာဦးမှာဆိုတော့ ဒီနှစ်ကုန်ပိုင်းမှာလည်း AI ပြိုင်ပွဲတွေက ဆက်လက်ပြီး မြင့်တက်လာဖို့ပဲရှိပါတယ်။

ပုံကတော့ ChatGPT Mac App က Screenshot တစ်ခုပါ။