ကမ္ဘာ့နေရာအတော်များများမြင်တွေ့ခဲ့ရတဲ့ ဥတ္တရအလင်းတန်းများ
ပုံမှန်ဆို မြောက်ဝင်ရိုးစွန်းဒေသတွေမှာပဲ မြင်တွေ့ရလေ့ရှိတဲ့ ဥတ္တရအလင်းတန်းတွေကို ဆွစ်ဇာလန်နဲ့ နယ်သာလန်နိုင်ငံတို့အပြင် အမေရိက မြောက်ပိုင်းက အမေရိကန်နဲ့ ကနေဒါ၊ ဥရောပက ပေါ်တူဂီ၊ဗြိတိန်အပြင် ရုရှားနိုင်ငံတို့မှာပါ မေလ ၁၀ ရက်ညတုန်းက မြင်တွေ့ခဲ့ရပါတယ်။
နေက လွှင့်ထုတ်လိုက်တဲ့ solar wind မှာ ပါလာတဲ့ အမှုန်တွေဟာ ကမ္ဘာ့ သံလိုက်စက်ကွင်းနဲ့ ရိုက်ခတ်တဲ့အခါ အခုလို အလင်းတန်းတွေ ထွက်လာတာပါ။
အလင်းတန်းတွေဟာ လေထုထဲက ဓာတ်ငွေ့အမျိုးအစားပေါ်မူတည်ပြီး အရောင်ပြောင်းလဲတတ်ပါတယ်။ အောက်ဆီဂျင်နဲ့ထိတွေ့တဲ့အခါ အနီ သို့မဟုတ် အစိမ်းရောင် တောက်ပြီး နိုက်ထရိုဂျင်နဲ့ တွေ့ရင် ခရမ်းရောင် ထွက်ပါတယ်။
၂၀၀၃ ခုနှစ် နောက်ပိုင်းအခုမှ ပြန်လည်မြင်တွေ့ရတဲ့အလင်းတန်းတွေရဲ့ဓာတ်ပုံတွေကို စုစည်းဖော်ပြလိုက်ပါတယ်။
Ref: BBC
