❝ ကျောင်းတက်တုန်းကလိုပေါ့ကွာ၊ ဘော်ဒါတွေက အလုပ်ပြီးမြောက်အောင်လုပ်တယ်၊ ငါကတော့ ဆုတွေရသွားတယ်။ ❞ 😅😂
ဒီစကားက ဆော်ဒီစူပါဖလားချန်ပီယံဖြစ်အပြီးမှာ နေမာက သူ့ကိုယ်သူ စနောက်ပြီးပြောခဲ့တာပါ။
ခုလည်း ဘရာဇီးလ်သားက ဆော်ဒီကလပ်ကိုရောက်လာတဲ့အချိန်ကစလို့ ပြည်တွင်းလိဂ်မှာ ၃ ပွဲသာ ကစားရသေးပေမဲ့ အသင်းဖော်တွေကောင်းမှုနဲ့ နောက်ထပ် ဆုဖလားတစ်လုံးကို ပိုင်ဆိုင်နိုင်လိုက်ပါပြီ။
မနေ့ညက အယ်လ်ဟာဇမ်အသင်းကို ၄ဂိုး ၁ဂိုးနဲ့အနိုင်ရခဲ့ပြီးတဲ့နောက်မှာ အယ်ဟီလယ်တို့ ရာသီကုန်ဖို့ ၃ ပွဲအလိုမှာပဲ ဆော်ဒီလိဂ်ချန်ပီယံဖြစ်လာခဲ့တာပါ။
နေမာရဲ့အသင်းဟာ တစ်ရာသီလုံး ရှုံးပွဲတစ်ပွဲမှမရှိခဲ့ပဲရော်နယ်ဒိုရဲ့အယ်နာဆာအသင်းကို ၁၂ မှတ်အထိ ဖြ-တ်တော-က်ကာ ဆုဖလားကြီးကို ကိုင်မြှောက်နိုင်ခဲ့တာဖြစ်ပါတယ်။
ဒါဟာ နောက်ဆုံး ၅ နှစ်အတွင်း ဆော်ဒီလိဂ်ဖလားကို ၄ ကြိမ်အထိရရှိခဲ့တာဖြစ်ပြီး၊ အသင်းသမိုင်းတလျှောက်မှာ ၁၉ ကြိမ်မြောက်အဖြစ် ချန်ပီယံဖြစ်ခဲ့တာပါ။
နေမာကို မြက်ခင်းစိမ်းတွေပေါ်မှာ ပြန်မြင်တွေ့ရဖို့နီးကပ်လာပြီဆိုပေမဲ့ အချိန်တစ်ခုတော့ စောင့်ဆိုင်းရဦးမှာပါပဲ။
အယ်ဟီလယ်အနေနဲ့လည်း ဒီရာသီမှာ ဆော်ဒီစူပါဖလားနဲ့ အမှတ်ပေးဖလားတို့ကိုရပြီးချိန်မှာ နောက်ဆုံးဆုဖလားအဖြစ် ဆော်ဒီဘုရင့်ဖလားဗိုလ်လုပွဲကို ရော်နယ်ဒိုရဲ့အယ်နာဆာအသင်းနဲ့သာ ယှဥ်ပြိုင်ကစားဖို့ ကျန်ရှိပါတော့တယ်။
နေမာကတော့ အဲ့ဒီပွဲမှာ မပါဝင်နိုင်ဖို့ သေချာပေမဲ့တကယ်လို့ သူ့အသင်းသာ ဖလားထပ်ရရင် သူကလည်း ကစားသည်ဖြစ်စေ၊ မကစားသည်ဖြစ်စေ ဆုဖလားတွေကို ထပ်မံကိုင်မြှောက်ခွင့်ရနေဦးမှာ ဖြစ်ပါတယ်။ 😎🇧🇷
