လူတိုင်းမသိကြတဲ့ iPhone တွေမှာ Cycle Count မတက်အောင်နဲ့ Battery Health မကျအောင်သုံးနည်း

ကိုယ့်ရဲ့တန်ဖိုးကြီးတဲ့ iPhone ကို ဝယ်လာပြီး သုံးလိုက်မယ် တစ်လလောက်နေတော့ Battery Health ကျသွားတယ် Cycle Count ကလဲ တက်လာတယ် ဆိုရင် စိတ်ညစ်ကြတဲ့သူတွေ ရှိကြမှာပါ

Group တွေထဲ တက်မေးကြပေမဲ့ အဖြေရှာမရတာ မျိုးလဲ ရှိနေကြတယ် တစ်တကယ်တော့ အနာသိရင် ဆေးရှိသလို တစ်ချို့ကျလဲ သိရက်နဲ့ ပြောမပြကြတာမျိုးတွေရှိတယ်

ဒီတော့ကျနော်တို့ကပဲ ပြောပြရတော့တာပေါ့ဗျာ

iPhone တွေမှာ ဒီလို Battery Health ကျပြီး Cycle Count မတက်အောင်သုံးနည်းကတော့

အရေးကြီးတဲ့ တစ်ချက် အနေနဲ့

ကိုယ်ဝယ်ထားတဲ့ဖုန်းက ဖုန်းအသစ်ဖြစ်ရပါမယ်
နောက်ပြီး ဆိုင်မှာ ဖောက်မစစ်ပါနဲ့ ဒါအရေးကြီးပါတယ်

(ဖုန်းအသစ်မဟုတ်ရင် ဒီနေရာကနေဆက်မဖတ်ပါနဲ့တော့)

ဖုန်းအသစ်ဖြစ်ပြီဆိုရင် ဆိုင်ကနေဝယ်လာပါ
အိမ်ရောက်တဲ့အခါ အရေးကြီးတာက ဖုန်းထားဖို့ နေရာပါ

ဖုန်းထားဖို့ ဗီရို (သို့) စားပွဲမှာ နေရာတစ်ခုရပြီဆိုရင်

ဝယ်လာတဲ့ ဖုန်းအသစ်ကို ဖောက်မသုံးပဲ ဒီတိုင်းထားလိုက်ပါ

ဒါဆိုရင်တော့ မိတ်ဆွေဝယ်လာတဲ့ iPhone က ဘူးထဲကနေသာ ဖောက်သာမသုံးခဲ့ဖူးဆိုရင် Battery Health ကျမှာမဟုတ်သလို Cycle Count လဲ တက်နေမှာမဟုတ်ပါဘူး

ဆိုတော့ဗျာ ပြောပြချင်တာက
Battery Health ဆိုတာ ဖုန်း သုံးတိုင်း ကျလာမှာဖြစ်သလို
Cycle Count ဆိုတာကလဲ ဖုန်းအားသွင်းတိုင်းတက်လာမှာပါ

အကယ်၍ Battery Health က 80% အောက်ရောက်မှသာ ဖုန်းရဲ့ Performance ပိုင်းကို အနည်းနဲ့အများထိခိုက်စေနိုင်မှာပါ

Apple က iPhone 14 တွေရဲ့ Battery Cycle Count ကို 500 အထိအာမခံထားတာပါ iPhone 15 တွေမှာ 1000 အထိပါ ဆိုတော့ဗျာ Cycle Count 500 ရှိရင် Battery Health 80% ရှိနေဦးမယ်ဆိုတဲ့သဘောပဲ ဒီတော့ ဒီနံပါတ်တွေ တက်ခြင်း ကျခြင်းတွေကို စိတ်ထဲထားမနေပဲ ဖုန်းကို ဖုန်းလိုပဲသုံးလိုက်ကြတာပေါ့ဗျာ...xD