ယခုနှစ်ကုန်တွင် ဆေးခြောက်ကို မူးယစ်ဆေးဝါး စာရင်းတွင် ပြန်လည် ထည့်သွင်းမည်ဟု ထိုင်းဝန်ကြီးချုပ် ဆရီထာ ပြောကြား
ထိုင်းနိုင်ငံသည် ယခုနှစ်ကုန်တွင် ဆေးခြောက်ကို မူးယစ်ဆေးဝါးစာရင်းတွင် ပြန်လညိထည့်သွင်းမည်ဟု ထိုင်းဝန်ကြီးချုပ် ဆရီထာထာဝီဆင်းက မေ ၈ ရက်တွင် ပြောကြားခဲ့သည်။
ထိုင်း နိုင်ငံသည် စိတ်အပန်းဖြေရန်ရည်ရွယ်ချက်ဖြင့် ဆေးခြောက် အသုံးပြုခွင့်ပေးခဲ့ပြီးနောက် နှစ်နှစ်အကြာတွင် ယခုကဲ့သို့ အံ့အားသင့်ဖွယ် အပြောင်းအလဲကို ကြေညာခဲ့ခြင်း ဖြစ်သည်။
ပြီးခဲ့သည် ၂ နှစ်အတွင်း ပြည်တွင်းတွင် သောင်းနှင့်ချီသည့် ဆေးခြောက်ဆိုင်များနှင့် စီးပွားရေးလုပ်ငန်းများ ပေါ်ပေါက်လာမှုနှင့်အတူ ဆေးခြောက် လက်လီရောင်းချမှုသည် လျင်မြန်စွာ ဖွံ့ဖြိုးတိုးတက်လာသည့်တိုင် အစိုးရက ဆေးခြောက်အသုံးပြုခွင့်ကို တားမြစ်ပိတ်ပင်ရန် စီစဉ်ခဲ့ခြင်းဖြစ်သည်။
ထိုင်း နိုင်ငံတွင် ပြီးခဲ့သည့် နှစ်နှစ်အတွင်း ဆေးခြောက်ရောင်းချသည့် ဈေးကွက်တန်ဖိုးသည် ဒေါ်လာဘီလျံချီ ရှိခဲ့ပြီး ၂၀၂၅ ခုနှစ်တွင် ဒေါ်လာ ၁ ဒသမ ၂ ဘီလျံ အထိရှိလာနိုင်ကြောင်း ခန့်မှန်းချက်များ ထွက်ပေါ်ခဲ့သည်။
ထိုင်း နိုင်ငံသည် ၂၀၂၂ ခုနှစ်က ဆေးခြောက်အသုံးပြုမှုကို ရာဇဝတ်မှုအဖြစ်မှ ပယ်ဖျက်ပေးခဲ့သည့် ပထမဆုံး အာရှနိုင်ငံ ဖြစ်ခဲ့သည်။
