မချည်ပါနဲ့ ... တည်ဆောက်ပါ
***************************
ကျမတို့ လူသားတွေက ကိုယ်ချစ်တဲ့သူကို ခေါင်းစဉ်အမျိုးမျိုးနဲ့ ချည်နှောင်ဖို့ ကြိုးစားနေကြတယ်
- ချစ်ခြင်းတရားနဲ့ ချည်နှောင်ဖို့ကြိုးစားကြတယ်
- ငွေကြေးနဲ့ ချည်နှောင်ဖို့ကြိုးစားကြတယ်
- သနားညှာတာခံရခြင်းနဲ့ ချည်နှောင်ဖို့ ကြိုးစားကြတယ်
လူတစ်ယောက်ကို ချည်နှောင်တယ်ဆိုတာ ပင်ပန်းလွန်းလှပါတယ်
ကိုယ်က ဘယ်လောက် စွန့်လွှတ်အနစ်နာခံ အပင်ပန်းခံပြီးပဲ ကြိုးစားချည်နှောင်ထားပါစေ …
နှောင်ကြိုးပြယ်တဲ့ တစ်နေ့ …
ထွက်သွားချင်တဲ့သူက ထွက်သွားမှာပါပဲ …
လူတစ်ယောက်ကို .
အကြောင်းပြချက် တစ်စုံတစ်ရာနဲ့
ချည်နှောင်ဖို့ ကြိုးစားမယ့်အစား …
သူ့စိတ်ကူးထဲက ဘဝကို ကိုယ်တိုင် ပါဝင်တည်ဆောက်နိုင်ဖို့ ကြိုးစားပါ
သူဖြစ်ချင်တဲ့ အိပ်မက်တွေကို အကောင်အထည်ဖော်တဲ့အချိန်မှာ .
ချုပ်ကိုင် ချည်နှောင်နေမယ့်အစား …
သူနဲ့အတူတူ ကြိုးစားရပ်တည်ရင်း
မရှိမဖြစ် ပါရမီဖြည့်ဖက်ကောင်း .
မိတ်ဆွေကောင်း ဖြစ်ဖို့ ကြိုးစားပါ
ကိုယ်ဟာ
သူ့ဘဝခရီးမှာ မရှိမဖြစ်လိုအပ်တဲ့သူ …
သူတည်ဆောက်ချင်တဲ့ ဘဝတစ်ခုဟာ
ကိုယ်မပါရင် အဓိပ္ပာယ်မရှိနိုင်ဘူးလို့ ထင်လာတဲ့အခါ
ကိုယ်က ချည်နှောင်ဖို့မလိုဘဲ .
သူနဲ့ကိုယ်နဲ့ကြားက
နားလည်မှု၊ ယုံကြည်မှုတွေအပေါ်အခြေတည်တဲ့
မေတ္တာတရားတွေက ခိုင်ခိုင်မြဲမြဲ နှောင်ဖွဲ့ပြီး ဖြစ်နေပါလိမ့်မယ်
ဒါကြောင့် …
ကိုယ်ချစ်တဲ့သူတွေကို ချည်နှောင်ဖို့ကြိုးစားမယ့်အစား
နှစ်ယောက်အတူ ဖြစ်ချင်တဲ့ အိပ်မက်တွေ တည်ဆောက်ဖို့ ကြိုးစားကြည့်ပါနော် ❤️
✍....
