"ကွင်းလယ်ဒိုင် မာစီနီရက်ခ်လား၊ သူက ဗီဒီယိုတောင်မှ ပြန်မကြည့်ခဲ့ဘူး၊ ပြန်ကြည့်ဖို့အတွက်လည်း သူ့ကိုယ်သူ အခွင့်အရေးမပေးခဲ့ပါဘူး၊ ဒါက တကယ်ကို ထူးဆန်းပါတယ်၊ ဒီလိုအခြေအနေမှာ ခရာမှုတ်တာကလည်း အရမ်းမြန်တယ်၊ မက်ဒရစ်မှာဆို ဒါမျိုးက ဖြစ်နေကျပါ"
"လွန်ခဲ့တဲ့ နှစ်အနည်းငယ်ကလည်း ဒါမျိုး အတွေ့အကြုံ ကျနော့်မှာရှိပါတယ်၊ အဲဒီတုန်းက ရော်နယ်ဒို ၂ ဂိုးသွင်းခဲ့တာပါ၊ ဒါပေမယ့် အဲဒါက VAR မတိုင်ခင်ကမို့လို့ ထားပါတော့ဗျာ၊ အခုကတော့ VAR လည်း ရှိနေပြီလေ"
သောမတ်စ်မူလာ တော်တော်လေးပေါက်ကွဲနေခဲ့တာပါ။ ၂-၂ ပြန်ဖြစ်စေမယ့် အခွင့်အရေးကို လက်လွှတ်ခံလိုက်ရတာကြောင့်ပါ။ ဒီအနေအထားက နည်းနည်းတော့ ပြောရခက်သွားပါတယ်။ ကွင်းလယ်ဒိုင် ခရာမှုတ်တာက စောသွားခဲ့သလို သူ့ ခရာသံကြောင့်လည်း ရီးရဲလ်ကစားသမားတွေက ဆက်မကစားတော့ပါဘူး။
ဆိုတော့ကာ ရီးရဲလ်မက်ဒရစ်အတွက်ရော၊ ဘိုင်ယန်အတွက်ပါ ဒါက နည်းနည်းတော့ အီလည်လည်ကြီးဖြစ်ခဲ့မှာ သေချာပါတယ်။ တချိန်လုံးပွဲကို ဦးဆောင်ထားခဲ့ပြီး အနိုင်ရတော့မယ်လို့ သေချာပေါက်ထင်မြင်နေချိန်မှာ ချေပဂိုးနဲ့ အနိုင်ဂိုးတွေ ဘိုင်ယန်တို့ ပြန်ပေးလိုက်ရပြီး ပွဲအလှည့်အပြောင်းက တော်တော်လေး ကြမ်းခဲ့တာတော့ အမှန်ပါပဲ။
Credit to 11 Players
