𝙀𝙫𝙚𝙧𝙮 𝙂𝙏-𝙍 𝘽𝙖𝙙𝙜𝙚𝙙 𝘾𝙖𝙧𝙨
GT-R လို့​ပြောလိုက်ရင် အများစု​​ပြေးမြင်မိတာက R35 ​လောက်ဘဲဗျ။ တကယ်တမ်း​ဆိုရင် GT-R တံဆိပ်နဲ့ ကား​ကောင်း​တွေအများကြီးရှိပါ​သေးတယ်။ GT-R ဆိုတာ နာမည်မဟုတ်သလို Nissan တစ်ခုတည်းက ပိုင်တာမဟုတ်ပါဘူး။ "Grand Tourismo Racer" လို့​ခေါ်တဲ့ GT-R က ပြိုင်ပွဲဝင်ဖို့ ထုတ်လုပ်ထားတဲ့ performance varient တစ်ခုပါ။ မြန်မာလူငယ်​တွေကြားမှာ Nissan GT-R က ​အလွန်ရေပမ်းစား​ပေမယ့် အခြား GT-R ​မော်ဒယ်​တွေကို အသိနည်းတာ​ကြောင့် ဒီက​နေ့ episode ​လေးကို တင်ဆက်​ပေးရခြင်းဖြစ်ပါတယ်။ Ranking list မဟုတ်တာ​ကြောင့် နံပါတ်​တွေ မတပ်ထားသလို မည်သူ့ကိုမှလည်း မထိခိုက်​​စေလိုပါဘူး။ မိမိသ​ဘောကျတဲ့ ကားကသာ ကိုယ့်အတွက် နံပါတ် တစ် ဖြစ်​စေမှာပါ✌🖤
Nissan Skyline GT-R

R35 ရဲ့ အကိုကြီး​တွေဖြစ်ကြတဲ့ Skyline GT-R family မှာဆိုရင်

• KPGC10 Skyline GT-R/Hakosuka GT-R
(1969 - 1972)

• KPGC110 Skyline GT-R/KenMari Skyline
(1973)

• R32 Skyline GT-R
(1989-1994)

• R33 Skyline GT-R
(1995-1998)

• R34 Skyline GT-R
(1999-2002)

ဆိုပြီး နှစ်​ပေါင်းများစွာ model အစုံ၊ limited edition များစွာနဲ့ ထုတ်လုပ်ခဲ့ဖူးပါတယ်။ အားလုံးနှင့် ရင်းနှီးပြီးသားဖြစ်တာမို့ အများကြီးမ​ပြောချင်ပါဘူး။ GT-R ဆိုပြီး ဖြစ်​ပေါ်လာပုံက Japanese Grand Prix မှာ Porsche 904 ​ဗိုလ်ဆွဲ​နေခဲ့ဆို​​တော့ ဂျပန်ထုတ်လုပ်သူ​တွေအတွက် အနိုင်ပြန်ယူဖို့ Sportscar ​ကောင်း​​ကောင်းတစ်စီးလိုအပ်ခဲ့ပါတယ်။ ၎င်းအချိန်တုန်းက Prince Motor Company ထုတ် Skyline Sport ကား​တွေက ​သေးငယ်တဲ့ ကား​ဘော်ဒီ၊ ​performance သင့်​တော်တဲ့ အင်ဂျင်​ကြောင့် Porsche ​ကို မ​ကျော်နိုင်​ပေမယ့် သူလိုကိုယ်လိုယှဥ်ပြိုင်နိုင်တယ်ဗျ။ ​နောက်ပိုင်းမှာ Nissan နဲ့ ​ပူး​ပေါင်းကာ Skyline ရဲ့ sports model: Skyline GT-R series ကို ထုတ်လုပ်ခဲ့ရာက​နေ 80s 90s ဂျပန်ကား​တွေရဲ့ ​ရွှေ​ခေတ်မှာ ထိပ်တန်း​နေရာရပ်တည်နိုင်ခဲ့ပါတယ်။ Skyline GT-R ​မော်ဒယ်​တွေထဲမှာဆို အ​အောင်မြင်ဆုံးက R32 ဖြစ်ပြီး လွမ်းမိုးမှုအရှိဆုံးက R34 ပါ။ R32 က Nissan အတွက် JTCC(Japanese Touring Car Championship) ​အောင်ပွဲ​တော်​တော်များများကို ယူ​ဆောင်​ပေးလာခဲ့ပြီး "Godzilla" ဆိုတဲ့ nickname ကိုလည်း သူက​နေ စတင်ရရှိခဲ့တာမို့လို့ပါ။ R34 က​တော့ Initial D၊ Fast & Furious နှင့် ဗီဒီယိုဂိမ်း​တွေမှာ ​နေရာယူထားခဲ့လို့ ၁၉၉၀၊ ၂၀၀၀ ခုနှစ်ဖွား လူငယ်​တွေအတွက် Dream Car တစ်စီးဖြစ်ခဲ့ပါတယ်။ ယ​နေ့​ခေတ်မှာ အလွန်ရှားပါးတဲ့ V Spec၊ V Spec II နှင့် mid-night purple တို့ဆိုရင် ​​ဒေါ်လာသိန်းချီဝယ်ယူစု​ဆောင်းရတဲ့အထိ ​JDM import စျေးကွက်မှာ နာမည်ကြီးလှပါတယ်။