ကလေးဦးနှောက် ဖွံ့ဖြိုးဖို့ အကောင်းဆုံး အစားအသောက် (၁၀) မျိုး
🔹🔹🔹🔹🔹🔹🔹🔹🔹🔹
မိခင်နို့နှင့် အောက်ပါစားစရာများတွင် ပါဝင်သော အာဟာရဓာတ်များသည် ဦးနှောက်ကြီးထွားမှု၊ ဦးနှောက်၏နေ့စဉ်လုပ်ငန်းဆောင်တာများအတွက်သာမက အာရုံကြောများအချင်းချင်း အကျိုးတူ တွဲဖက် အလုပ်လုပ်စေရန် မရှိမဖြစ်လိုအပ်ပါသည်။ ဦးနှောက်နှင့် အာရုံကြောများမှ ကလာပ်စည်းများ မပျက်စီးအောင်လည်း ကာကွယ်ပေးပါသည်။
🔹(၁) မိခင်နို့
🔺အာဟာရပြည့်ဝအောင်စားသော မိခင်တစ်ဦး၏ နို့ရည်က မွေးကင်းစကလေးဦးနှောက်ဖွံဖြိုးဖို့ အကောင်းဆုံးဖြစ်သည်။
🔹(၂) အဆီမပါသော အသား
🔺ကြော်၊ ချက်၊ နှပ်၊ ပြုတ်၊ ပေါင်း၊ ကင်နိုင်သည်။ အသားမှရသော သံဓာတ်နှင့် ဇင့်က မှတ်သားဉာဏ်နှင့် အာရုံစူးစိုက်ဖို့ အရေးကြီးသော လိုအပ်ချက်ဖြစ်သည်။
🔹(၃) လတ်ဆတ်သော ဆယ်လ်မွန်ငါး
🔺ဆယ်လ်မွန်ငါး မရှိသော အရပ်တွင်နေလျှင် ဝယ်လို့ရသော ငါးသေတ္တာငါး၊ တူနာငါး၊ ငါးမြင်း၊ ငါးကြင်းစသည်တို့ကို ကျွေးနိုင်ပါသည်။ ငါးကို ဆီထဲနှစ်ပြီး ကြာရှည်စွာ ကြော်လျှင် ဦးနှောက်ကြီးထွားမှုကို အကျိုးပြုသော အိုမီဂါ-၃ အဆီဓာတ် ပျက်စီးနိုင်၍ ပေါင်းခြင်း၊ ကင်ခြင်းက ပိုသင့်လျော်ပါသည်။
🔹(၄) ကြက်ဥ၊ ငုံးဥ
🔺ရောဂါပိုးမပါစေရန် ကြက်ဥ၊ ငုံးဥကို ကျက်အောင်ပြုတ်ပါ။
🔹(၅) ပဲအမျိုးမျိုး
🔺ပဲတီစိမ်း၊ ပဲနီလေး၊ ပဲဝါလေး၊ ပဲကြီး၊ ကုလားပဲ၊ ပဲကတ္တီပါ၊ ကျောက်ကပ်ပုံပဲ စသည်တို့အားလုံး အကျုံးဝင်သည်။
🔹(၆) ဝါစိမ်းနီ ဟင်းသီးနှင့်ဟင်းရွက်များ
🔺အထူးသဖြင့် broccoli ဟုခေါ်သော ပန်းဂေါ်ဖီစိမ်းက ကောင်းသည်။ ဟင်းရွက်များကို ပွက်ပွက်ဆူရေတွင် ကြာရှည်စွာ ပြုတ်ခြင်း၊ ဖိအားများသော ပေါင်းအိုးတွင် ချက်ခြင်းက အာဟာရဓာတ်ဆုံးရှုံးနိုင်၍ မီးပြင်းပြင်းနှင့် အချိန်တိုတွင်း ကြော်ချက်ခြင်းက ပိုကောင်းသည်။
🔹(၇) အရောင်စုံ သစ်သီးများ
🔺ဥပမာ ငှက်ပျောသီး၊ စတော်ဘယ်ရီ၊ ပန်းသီး၊ စပျစ်သီးနီ၊ စပျစ်သီးအစိမ်းရောင်
🔹(၈) နို့ထွက်ပစ္စည်းများ
🔺နွားနို့၊ ဒိန်ချဉ်၊ ဒိန်ခဲ များကို မပျက်အောင် ရေခဲသေတ္တာထဲ သိမ်းဆည်းပါ။
🔹(၉) အခွံမာသီးနှင့် အစေ့အဆံ
🔺မြေပဲ၊ နေကြာစေ့၊ ကွာစေ့၊ သီဟိုဠ်စေ့၊ သစ်ကြားသီးစသည်တို့ဖြစ်သည်။ မမျိုတတ်သော ကလေးကိုတော့ မကျွေးပါနှင့်။
🔹(၁၀) သောက်ရေ
🔺သောက်ရေတွင် အာဟာရမပါသော်လည်း ဦးနှောက်ထဲ အောက်ဆီဂျင်ရဖို့ရာ သွေးလည်ပတ်မှု ကောင်းစေရန် အရေးကြီးပါသည်။
⛔️အသင့်သောက်သုံးဖို့ ရောင်းချထုတ်လုပ်သော ကြက်ပေါင်းရည်က ဦးနှောက်အားကောင်းစေသည်ဟု ကြော်ငြာသော်လည်း သိပ္ပံကျန်းမာရေးပညာတွင် မှန်ကန်ကြောင်း လက်ခံမှု မရှိသေးပါ။
#နေနေမိုးဆွေ (Child Health Myanmar Page)
Reference- SingHealth, Better Health Channel, Nutrition Australia
#naynaymoeswe
