မီး-မှုတ်နိုင်တဲ့ စက်ရုပ်ခွေးတွေ
Thermonator လို့ နာမည်ပေးထားတဲ့ ဒီစက်ရုပ်ခွေးတွေဟာ Throwflame ကုမ္မဏီက ထုတ်လုပ်ထားတာပဲဖြစ်ပါတယ်။ မနှစ်ကတည်းက မိတ်ဆက်ခဲ့တာဖြစ်ပြီး ဒီစက်ရုပ်ခွေးတွေဟာ ပုံစံအမျိုးမျိုးဖြင့် မီး-မှုတ်နိုင်ကြောင်းကိုလည်း ပြသခဲ့ကြပါတယ်။ အဲ့ဒီနောက် ကုမ္ပဏီဘက်မှ စက်ရုပ်ခွေးကို ပိုမိုပြီးပြည့်စုံတဲ့ ကိရိယာများနှင့် တပ်ဆင်ပြုပြင်ခဲ့ပြီး လက်ရှိမှာတော့ အမေရိကန်နိုင်ငံမှာ ဒေါ်လာ (၉၄၂၀) ဖြင့် တရားဝင်ဝယ်ယူနိုင်ပြီပဲဖြစ်ပါတယ်။
ကုမ္ပဏီဖက်မှ စတင်မိတ်ဆက်ခဲ့စဉ်က မီး-မှုတ်နိုင်တဲ့ ဒီစက်ရုပ်ခွေးတွေဟာ လူသားတွေအတွက် လက်နက်တစ်ခုမဟုတ်ပဲ တောရိုင်းတိရစ္ဆာန်များထိန်းချုပ်ရန်၊ ရေခဲများကို ဖယ်ရှားရန်နဲ့ ဖျော်ဖြေရေးလုပ်ငန်းအချို့အတွက်သာ ဖြစ်တယ်လို့ ပြောကြားခဲ့ပါတယ်။
ဒီစက်ရုပ်ခွေးတွေက ပေ ၃၀ အကွာအဝေးမှာရှိတဲ့ ဂျက်လေယာဉ်များကိုတောင် မီး-မှုတ်နိုင်ပြီး ညအချိန်နဲ့ အမှောင်နေရာများမှာ လေဆာ၊ ဓါတ်မီးပုံစံနဲ့လည်း အသုံးပြုနိုင်မှာပါ။ စက်ရုပ်ခွေးတွေကို စမတ်ဖုန်းကတဆင့် Wifi, Bluetooth တို့နဲ့ထိန်းချုပ်နိုင်ပြီး ၁ နာရီ ဘတ်ထရီအားခံပါတယ်။
လက်ရှိမှာတော့ ဒီစက်ရုပ်ခွေးအပေါ် ကောင်းတဲ့မှတ်ချက်တွေလည်း များသလို အန္တရာယ်ဖြစ်စေနိုင်တဲ့ အကြောင်းအရင်းတွေကိုလည်း ပြောနေကြပါတယ်။ မိတ်ဆွေတို့ရော မီး-မှုတ်နိုင်တဲ့ ဒီစက်ရုပ်ခွေးအပေါ် ထင်မြင်မိတာလေးတွေ ပြောသွားပေးခဲ့ပါဦး။
