ကျွန်တော်တို့အိမ်အောက်မှာ City Express ရှိတယ်
သူ့ဘေးနား 2အိမ်ကျော်မှာ ဆိုင်ခန်းလေးရှိတယ်🏪
အဲ့ဒီဆိုင်ခန်းလေးထဲမှာ လုပ်ငန်းမျိုးစုံလာငှားပြီး
စျေးရောင်းကြတယ်...
- Handbag အိတ်ဆိုင်
- ကိတ်မုန့်ဆိုင်
- Beauty Salon တွေ၊
- လက်သည်းပြင်တဲ့ဆိုင်
စသဖြင့် ဆိုင်မျိုးစုံလာဖွင့်ကြတယ်
ဒါပေမဲ့ ဘယ်ဆိုင်မှ ကြာကြာမခံဘူး
အိမ်နားက လူပြတ်တော့ သိပ်မှမရောင်းရတာ
ဆိုင်တိုင်းလိုလို ဖွင့်ပြီး သုံးလေးလလောက်ကြာတာနဲ့
အရင်းပြုတ်သွားတတ်ကြတယ်... 📉
=====
တစ်နေ့ကျတော့ အဲ့ဒီမြေညီထပ်ဆိုင်ခန်းလေးမှာ
ဆိုင်းဘုတ်အသစ်လာတပ်နေတာ သတိထားမိတယ်
ကျွန်တော်ကတော့ ရှေ့ကဖွင့်ခဲ့တဲ့ဆိုင်တွေလိုပဲ
သိပ်ခံမှာမဟုတ်ပါဘူးလေ လို့ပဲ တွေးမိတာပေါ့
ဘာရောင်းမှာလဲမေးကြည့်တော့ စတိုးဆိုင်တဲ့
City Express လို မျိုးစုံရတဲ့ ဆိုင်ကြီးဘေးမှာ
နာမည်မရသေးတဲ့ Convenient Store တစ်ခု
လာဖွင့်တာဆိုတော့ ရူးများနေလားပေါ့ 😦
တော်တော်အံ့ဩသွားတယ်
သူဌေးနဲ့စကားပြောကြည့်တော့
သူတို့က City Express ထက် သာအောင်လုပ်မှာတဲ့
စျေးပိုသက်သာစေရမယ်ဆိုတဲ့ကတိနဲ့ရောင်းမယ်တဲ့
ကျွန်တော်လဲစိတ်ဝင်တစားနဲ့စောင့်ကြည့်နေတာပေါ့
=====
ထင်ထားတဲ့အတိုင်းပဲ
စတိုးဆိုင်အသစ်လဲ ဝယ်သူလုံးဝမရပါဘူး 😔
စျေးကတော့ တကယ်သက်သာတယ်ဗျာ
City Express မှာ ကော်ဖီတစ်ဗူး 2300 ဆို
သူတို့ဆိုင်မှာ 1800 ပဲရှိတယ်...
တကယ်သက်သာတာပါ ✨
ဒါပေမဲ့ သူတို့ကအခုမှစဖွင့်တော့ ပစ္စည်းမစုံဘူးဗျ
City Express မှာ အာလူးကြော် သုံးလေးမျိုးရရင်
သူတို့ဆိုင်မှာ တစ်မျိုးပဲရတယ်..
အရက်ဘီယာလဲလုံးဝမရောင်းဘူး..
ဒါ့ကြောင့်လဲ Customer တွေက နာမည်ရပြီးသား
City Express မှာပဲ စျေးကြီးပေးပြီးဝယ်ကြတယ်
စတိုးဆိုင်အသစ်လေး သက်ဆိုးရှည်ပါ့မလားလို့...😔
=====
တစ်နေ့ကျတော့ သူတို့ရဲ့စတိုးဆိုင်အထဲမှာ
ထိုင်ခုံတွေအသစ်တွေ ထည့်နေတာတွေ့ရတယ်
ထည့်ပြီးသွားတော့ ဝန်ဆောင်မှုသစ်မိတ်ဆက်တယ်
300 ကျပ်တည်းနဲ့ ခေါက်ဆွဲပြုတ်ပေးပြီး
ဆိုင်ထဲမှာတခါတည်းထိုင်စားလို့ရမယ်ပေါ့ 🍜
Wifi Free လဲပေးထားတယ်
ဒီလိုပြောင်းလဲပြီးတဲ့အချိန်မှာ သူတို့ရဲ့ဆိုင်မှာ
လူငယ် Customer အသစ်တွေ ရလာတာတွေ့ရတယ်
လူငယ်တွေက မီးပျက်ရင်
- အဲကွန်းလေးနဲ့
- Wifi Free လေးနဲ့
- 300 ပိုပေးပြီး ခေါက်ဆွဲပြုတ်လာစားရင်း
- ဖုန်းလာသုံးကြတယ်
ခေါက်ဆွဲပြုတ်ခ 300 ကလဲ တန််တယ်ဗျ 🤩
City Express မှာ ခေါက်ဆွဲတစ်ထုတ် 2800 ဆို
သူတို့ဆိုင်မှာက တစ်ထုတ် 2300 လေ..
300 ထပ်ပေးမှ 2600 ပဲရှိဦးမယ် 🤔
စျေးလဲအတူတူလောက်ဖြစ်နေပြီဆိုတော့
ဘာဖြစ်လို့များ City Express ကဝယ်ပြီး
အိမ်မှာအပင်ပန်းခံပြုတ်စားမလဲ? 😁
Wifi Free လဲရတော့ ဆိုင်မှာပဲထိုင်စားတော့မှာပေါ့
ဒီလိုနဲ့ စတိုးဆိုင်လေးက လူစည်လာပြီး
Convenient Store ဆိုတဲ့နာမည်အစား
Wifi Free ရတဲ့ ခေါက်ဆွဲပြုတ်ဆိုင်ဆိုပြီး
လူငယ်တွေကြားထဲမှာခေတ်စားလာတယ်.. 💖
=====
ဒီမှာ သတိထားမိတာက
စျေးကွက်ထဲမှာရပ်တည်ဖို့ဆိုရင်
စျေးသက်သာတယ်ဆိုတဲ့ ထူးခြားချက်တစ်ခုနဲ့တင်
ရပ်တည်ဖို့ မလုံလောက်တော့ဘူး...
သူများနဲ့မတူ ထူးခြားချက်ရှိနေမှသာ
Competitor တွေနဲ့ ပြိုင် Fight လို့ရမှာဖြစ်တယ်✅
City Express မှာလဲ ခေါက်ဆွဲပြုတ်ပေးပေမဲ့
- ထိုင်စားစရာ ထိုင်ခုံမရှိဘူး
- Wifi Free မပေးဘူး
- Fancy ပန်းကန်နဲ့လာမချပေးဘူး
- ခေါက်ဆွဲဘူးလောက်ပဲပြုတ်လို့ရမယ်
အိမ်အောက်က ဆိုင်သစ်လေးဟာဆိုရင်တော့
ဒီလိုနဲ့ပဲ ထူးခြားချက်(Unique Selling Point)
ဖန်တီးပြီး စျေးကွက်မှာ နေရာတစ်ခုရလာခဲ့တယ်
=====
Facebook မှာလဲ ပြိုင်ဖက်တွေက အများကြီးပါ
ကျွန်တော်တို့ဆီမှာ သူမတူတဲ့ထူးခြားချက်မရှိရင်
ကြာကြာရပ်တည်ဖို့မလွယ်ပါဘူး...
ထူးခြားချက်ဆိုတဲ့နေရာမှာလဲ
"စျေးပိုသက်သာပါတယ်" ဆိုတာနဲ့တင်မရတော့ဘူး
Customer Experience လိုမျိုး
ပိုက်ဆံထက်ပိုတဲ့ ထူးခြားချက်တွေလိုလာပြီ...🌟
=====
ကိုယ့် Page ရဲ့ Superpower (ထူးခြားချက်)ဆို
ဘာလေးများဖြစ်နိုင်မလဲ? 💖
မရှိရင် ထူးခြားအောင် ဘယ်လိုလုပ်လို့ရနိုင်မလဲ?
