ကိုယ့်ကိုယ်ကို အမဲလိုက်မုဆိုးတစ်ယောက်အဖြစ်
စိတ်ကူးယဥ်ပုံဖော်ကြည့်ပါ..

သင်ဟာ မနက်တိုင်းစောစောထပြီး
တောထဲမှာ သားကောင်ရှာထွက်ရတယ်

သားကောင်ကြီးကြီးရတဲ့နေ့တွေလဲရှိသလို
လက်ဗလာနဲ့အိမ်ပြန်လာခဲ့ရတဲ့နေ့တွေလဲရှိပါမယ်

အိမ်မှာ စောင့်နေတဲ့ ဇနီးမယားနဲ့ သားသမီးတွေက
သားကောင်ကြီးထမ်းပြီးပြန်လာဖို့မျှော်နေကြတယ်

လက်ဗလာနဲ့ပြန်လာခဲ့ရတဲ့ရက်တွေက
သင်တို့မိသားစုထမင်းငတ်တဲ့နေ့ပဲပေါ့...

မိသားစုထမင်းဝိုင်းက သင့်အပေါ်မူတည်နေတယ်...
ဖိအားတွေကလဲ သင့်အပေါ်မှာနေ့တိုင်းရှိနေတာပေါ့..

=====

အခု သင့်ကိုယ်သင် စိုက်ပျိုးရေးသမားကြီးလို့
စိတ်ကူးယဥ်မြင်ယောင်ကြည့်ပါ...

သင်ပိုင်တဲ့မြေကွက်တွေမှာ သရက်ပင်၊ ပန်းသီးပင်၊
အုန်းပင်၊ စပျစ်ပင်၊ မာလကာပင် စသဖြင့်
အပင်မျိုးစုံ မျိုးစေ့ကြဲပြီး စိုက်ပျိုးထားတယ်..

သင်ဟာ အပင်တွေရှင်သန်ကြီးထွားဖို့
- နေ့တိုင်းရေလောင်းပေးရမယ်၊
- အပတ်တိုင်းမြက်နှုတ်ပေးရမယ်
- လတိုင်းမြေဩဇာထည့်ပေးရမယ်

ဒီအပင်တွေက အချိန်တန်ရင် အသီးသီးပြီး
သင့်မိသားစုစားဝတ်နေရေး ဖူလုံမယ်

ပိုလျှံတဲ့သစ်သီးဝလံတွေကို ပြန်ရောင်းချပြီး
သားငါးတွေ၊ ဆန်၊ ဆီ၊ ဆားတွေ ဝယ်လို့ရမယ်

သင်ရဲ့ဘဝဟာ အမဲလိုက်သမားကြီးလို
နေ့တိုင်းစိုးရိမ်ပူပန်မှုတွေနဲ့ ပြည့်နှက်မနေဘူး

အချိန်တန်ရင် ထမင်းပန်းကန်ထဲ
ထမင်းရောက်လာမှာသိတာမလို့
သင့်မှာ Pressure တွေရှိမနေတော့ဘူးပေါ့

=====

Facebook​ ပေါ်က Marketing မှာလဲ
အမဲလိုက်မုဆိုးကြီးလိုမျိုးပုံစံနဲ့
စျေးရောင်းကြတဲ့ Admin တွေရှိသလို

စိုက်ပျိုးရေးသမားကြီးလိုမျိုးပုံစံနဲ့
စျေးရောင်းကြတဲ့ Admin တွေလဲရှိပါတယ်...

Boost လုပ်တယ်ဆိုတာ အမဲလိုက်တာနဲ့တူပြီး
Lead Nurturing လုပ်တာက စိုက်ပျိုးမွေးမြူရေးနဲ့
သဘောတရားချင်းဆင်ပါတယ်.. 😁

=====

Lead Nurturing ဆိုတာက
"ကိုယ့်​ပစ္စည်းကိုဝယ်ဖို့အလားအလာရှိတဲ့သူတွေကို
Customer ဖြစ်လာတဲ့အထိ ပြုစုပျိုးထောင်ခြင်း"ကို
ဆိုလိုတာဖြစ်ပါတယ်

Customer ဖြစ်လာလောက်တဲ့လူတွေနဲ့
အဆက်အသွယ်မပြတ်အောင်နေချင်းအားဖြင့်
တချိန်ချိန်မှာ ကိုယ့်ဆီလာဝယ်အောင်ပြုလုပ်ခြင်းပါ

အဆက်အသွယ်မပြတ်အောင်နေဖို့အရေးကြီးပါတယ်

အဆက်အသွယ်မပြတ်အောင်
- နေ့တိုင်း cb မှာ စကားပြောပေးတာ
- နေ့တိုင်း​ အသုံးဝင်တဲ့ Email တွေပို့တာ
- နေ့တိုင်း Content တွေတင်ပေးတာ
- နေ့တိုင်း ကြော်ငြာတွေ မြင်အောင် Boost တာမျိုး
အစရှိသဖြင့် နည်းလမ်းမျိုးစုံနဲ့
အဆက်အသွယ်မပြတ်အောင် လုပ်ရပါတယ်

ဒီထဲမှာအလွယ်ကူဆုံး Lead Nurturingနည်းလမ်းက
Content Marketing ပဲဖြစ်ပါတယ်..

=====

Boost တဲ့အခါမှာ အမဲလိုက်မုဆိုးကြီးလိုပဲ
Customer တွေကို တကူးတကလိုက်ရှာရတယ်..

Customer တွေအများကြီးရတဲ့နေ့တွေလဲရှိသလို
တစ်ယောက်မှမရောင်းရတဲ့နေ့တွေလဲရှိမယ်..

Customer ရဖို့အရေး နေ့တိုင်းသင်စိတ်ပူနေရမယ်

=====

Content Marketing နဲ့
Content တွေနေ့တိုင်းတင်ပြီး Customer တွေနဲ့
အဆက်အသွယ်မပြတ်အောင် လုပ်ထားရင်

သင်ရောင်းအားချက်ချင်းရချင်မှရပါလိမ့်မယ်

ဒါပေမဲ့ စိုက်ပျိုးရေးသမားကြီးလိုပဲ
- နေ့တိုင်း Content တင်
- နေ့တိုင်း​ Comment တွေ​သေချာ Reply ပြန်
- နေ့တိုင်း Interaction ရှိအောင်လုပ်ပေးနိုင်ရင်
ဝယ်သူဆိုတဲ့ သစ်သီးဝလံတွေ ရလာပါလိမ့်မယ်

သစ်ပင်စိုက်သလိုပဲ အချိန်ကြာနိုင်ပါတယ်..
အရင်းအနှီးလဲများနိုင်ပါတယ်...

ဒါ့ကြောင့် အမြတ်နည်းလွန်းတဲ့လုပ်ငန်းတွေ၊
Customer​နဲ့ရေရှည်ဆက်ဆံရေးကိုမကြည့်ပဲ
တပွဲထိုးရောင်းဖို့အလေးထားတဲ့သူတွေအတွက်တော့
Lead Nurturing လုပ်တာက မသင့်တော််ပါဘူး 🙅🏻‍♂️

အဲ့ဒီလိုလုပ်ငန်းတွေကျတော့ အမဲလိုက်မုဆိုးကြီးရဲ့
နည်းလမ်းက ပိုပြီးသင့်တော်နိုင်ပါတယ်

Customer Lifetime Value များတဲ့လုပ်ငန်းတွေက
Lead Nurturing ကို ပိုပြီးဂရုစိုက်သင့်ပါတယ်..

=====

စျေးကွက်ထဲက သင့်ပြိုင်ဖက်တွေက
ပေါချောင်ကောင်း Marketing တွေလုပ်နေချိန်မှာ
သင်က Marketing​ သေသေချာ​ချာလုပ်ထားနိုင်ရင်

အခုချိန်မှာတော့
သူတို့ကရောင်းအားပိုကောင်းနေနိုင်ပေမဲ့

အချိန်ကြာလေ ရောင်းအားကွာလေဖြစ်လာပါလိမ့်မယ်

တနပ်စားဖို့ Marketing လုပ်မလား
တသက်စားဖို့ Marketing လုပ်မလားဆိုတာကတော့
ဦးဆောင်သူ Admin တို့အပေါ်ပဲမူတည်တာပေါ့... 😁