ကားအဲယားကွန်းဖွင့်စီးသူများ သတိထားသင့်တဲ့ အချက်များ
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

အဲယားကွန်း (Air Con) ဟာ အခန်းတွင်းအပူချိန်ကို စုပ်ယူလျှော့ချပေးတဲ့ တီထွင်ဆန်းသစ်မှုတခုဖြစ်ပါတယ်။
စတင်တီထွင်ခါစက နေအိမ်တိုက်ခန်းများအတွက်သာ အသုံးပြုခဲ့ပြီး၊ ၁၉၅၃ ခုနှစ်ဝန်းကျင်က စတင်ကာကားများတွင်ပါ အဲယားကွန်းတပ်ဆင် အသုံးပြုလာနိုင်ခဲ့ပါတယ်။
ထိုစဉ်က ဇိမ်ခံဆလွန်းကားများ၊ ဈေးကြီးပေးဝယ်ရသော ကားအကောင်းစားများတွင်သာ တပ်ဆင်ပေးနိုင်ခဲ့သော်လည်း နောက်ပိုင်းမှာတော့ ကားအကြီးအသေးအမျိုးမျိုးတွင် အဲယားကွန်း မပါသောကားဟူ၍ မရှိတော့ပေ။

ကားအဲယားကွန်းရဲ့ ကောင်းကျိုးမှာ ပူအိုက်ခြင်း၊ လေလုံ၍အသက်ရှူကျပ်ခြင်းကနေ ကာကွယ်နိုင်တဲ့အပြင် မိုးတွင်းအခါ မိုးရွာတဲ့အချိန် ကားမှန် အလုံပိတ်မောင်းသောအခါ အတွင်းမှအပူငွေ့ပြန်ပြီး မှန်များမှုန်ဝါးကာ ပြင်ပသိုကောင်းစွာမမြင်ရခြင်းကိုပါ အကာအကွယ်ပေးပါတယ်။

အပူပိုင်းဒေသများတွင် အလွန်နေပူပြင်းသောအချိန် ကားအဲယားကွန်း ဖွင့်စီးသူများမှာ အေးနေရာမှ ရုတ်တရက် တံခါးဖွင့်ပြီး အဆင်းတွင် ပြင်ပအပူရှိန်ကြောင့်ရုတ်တရက် ရုတ်တရက် မူးလာကာ လဲကျသူ၊ သတိလစ်သူ၊ သက်ကြီးရွယ်အိုများတွင် အပူ အအေး တုံပြန်မှုကြောင့် ဦးနှောက်သွေးကြောပြတ်ကာ သေဆုံးရသူများ ရှိလာသည်အထိ အန္တရာယ်လည်း ရှိနေပါတယ်။

ညပိုင်းအဲယားကွန်း ဘတ်စ်ကားကြီးများဖြင့် ခရီးသွားသူများတွင်လည်း ပါးတစ်ခြမ်းရွဲခြင်း၊ မျက်နှာနှင့် ကိုယ်တစ်ခြမ်းလေဖြတ်ခြင်းများပါ တွေ့ကြုံလာရခြင်းကို ဆေးရုံ၊ ဆေးခန်းများတွင် တွေ့လာရတတ်ပါတယ်။

အခြားဆန့်ကျင်ဘက် အဖြစ်အပျက်မှာ နေပူထဲမှလာပြီး အဲယားကွန်းဘတ်စ်ကားစီးသူ သက်ကြီးရွယ်အိုတဦးမှာ ကားထဲတွင်ပင် သတိလစ်ပြီး စကားမေးမရသဖြင့် ကားမောင်းသူနှင့်တာဝန်ရှိသူများမှ ဆေးရုံကြီးသိုပိုပေးရာ အပူအအေး ဆန့်ကျင်ဘက်ကြောင့် Heat Stroke ရပြီး ဦးနှောက်သွေးကြောပေါက်ကာ အသက်ဆုံးရှုးခဲ့ရမှုလည်း တွေ့ကြုံခဲ့ရဖူးပါတယ်။
အဲယားကွန်း ကားစီးမယ့်သက်ကြီးရွယ်အိုများ ကျန်းမာရေးမကောင်းသူများနှင့် အထူးသဖြင့်သွေးတိုးရောဂါအခံရှိသူများ သတိထားသင့်တဲ့ အချက်ပါပဲ။

ရုတ်တရက် အပူအအေး အပြောင်းအလဲဟာ ဦးနှောက်သွေး ကြောပေါက်ပြီး သတိလစ် လေဖြတ်နိုင်တာကို သတိထားကြပါ။

ကားအဲယားကွန်းဖွင့်စီးသူများရဲ့ အနေအထားကို လေ့လာကြည့်ရင်…

🔹(၁) နေပူထဲမှ ကားထဲ ဝင်ပြီးနောက် အဲယားကွန်းဖွင့်စီးသူ
🔹(၂) ကားထဲမဝင်မီကပင် အဲယားကွန်း ကြိုတင်ဖွင့်ထားသော ကားအတွင်းသို နေပူထဲမှလာပြီး ဝင်ထိုင်လိုက်သူ
🔹(၃) နေအိမ်မှ ကားအဲယားကွန်းဖွင့် စီးလာပြီး နေပူပြင်းသော တနေရာအရောက်တွင် ကားထဲမှအပြင် ထွက်လိုက်သူ
စသည်ဖြင့် အခြေအနေမတူ ကွဲပြားမှုသုံးမျိုး ကိုတွေ့ရှိရပါတယ်။

ထိုသူများတွင် အသက်ငယ်သေးသူများမှာ ဘာမှမဖြစ်သော်လည်း အသက် ၄၀ ကျော်၊ ၅၀ နှစ်အတွင်း သက်လတ်ပိုင်းများတွင် ခေါင်းမူးခြင်း၊ ခေါင်းကိုက်ခြင်း ဝေဒနာခံစားရကြောင်း တွေ့ရပါတယ်။ အသက် ၆၀ ကျော် ၇၀ ခန့် လူကြီးများမှာ ခေါင်းမူးရုံမက ရုတ်တရက် လဲကျခြင်း၊ လေဖြတ်ခြင်း၊ ဦးနှောက်သွေးကြောပြတ်ခြင်းများပါ ဖြစ်နိုင်ပါတယ်။

ဒါကြောင့် ကားအဲယားကွန်း ဖွင့်စီးသူများအနေနဲ့…

🔸(၁) ကားအဲယားကွန်းမဖွင့်မီ စက်နှိးပြီး ကားတံခါးများအားလုံးဖွင့်ထားပါ။ ပြင်ပလေဝင်ပြီး နောက်မှ ကားအဲယားကွန်းကို အနိမ့်ဆုံးမှ စ၍ ဖွင့်ပါ။ ထိုနောက်မှ မှန်များပြန်တင်ပြီးစီးရင် အပူ၊ အေအး ရုတ်တရက် အပြောင်းအလဲ မဖြစ်စေနိုင်ပါ။
🔸(၂) နေပူချိန်အဲယားကွန်းသုံးသော ကားဖြင့် အပြင်သွားရင် ရေသန့်ဘူး ယူဆောင်သွားပါ။ နေပူပြင်းတဲ့နေရာမှာ ကားရပ်ပြီး အပြင်သိုမဆင်းမီ ရေကိုအတော်အသင့် သောက်ပြီးမှ ဆင်းပါက ရုတ်တရက်ဦးနှောက်သို သွေးဆောင့်တက်ခြင်းမှ ကာကွယ်နိုင်ပါတယ်။
🔸(၃) အဲယားကွန်း ကြိုတင်ဖွင့်ထားတဲ့ ဘတ်စ်ကားကြီးများပေါ်ကို နေပူထဲမှဝင်ရင်၊ တက်စီးလျှင် မတက်မီက ကြိုတင်ပြီး ရေအေးသောက်ထားပါ။
အချိုလူကြီးများဟာ ကားပေါ်တွင် ဆီးသွားချင်မည်စိုးသဖြင့် ရေမသောက်ဘဲ ခရီးသွားလေ့ရှိသည်မှာ အမှားဖြစ်ပါတယ်။

ထိုအတူပင် ညအိပ်ချိန်တွင် အဲယားကွန်း ဖွင့်အိပ်သူများမှာလည်း အိပ်ရာမဝင်မီ ရေအေးတစ်ခွက် သောက်ပြီးမှအိပ်ပါက ကိုယ်တွင်း (အစာအိမ်) က အပူနဲ့ ပြင်ပအဲယားကွန်းရဲ့ အအေးဓာတ်တို ဝိရောဓိဖြစ်ခြင်းမှ ကာကွယ်ရာရောက်ပါတယ်။

အထက်ဖော်ပြခဲ့သော အချက်တိုကို သတိပြုလိုက်နာခြင်းဖြင့် အဲယားကွန်းကားစီးသူများအပြင် အဲယားကွန်းအခန်းဖြင့် အိပ်စက်သူများပါ အပူ၊ အအေးဝိရောဓိ လွန်ကဲမှုကြောင့် လေဖြတ်ခြင်း၊ ဦးနှောက် သွေးကြောပြတ်ခြင်းဘေးမှကင်းဝေးစေနိုင်ကြောင်း သတိပေးတင်ပြအပ်ပါတယ်။