2005 ခုနှစ်က ဒီလိုနေ့မျိုးမှာ လာလီဂါပွဲစဥ်အဖြစ် Albacete အသင်းနဲ့ပွဲမှာ ဘာစီလိုနာအသင်းအတွက် အသက် 17 နှစ်အရွယ် လီယွန်နယ် မက်ဆီဆိုတဲ့ကောင်လေးက အီတူးနေရာမှာ လူစားဝင်လာခဲ့ပါတယ်။
ဆံပင်က သူ့ရဲ့အရပ်ထက် ပိုရှည်နေတဲ့ ချာတိတ်လေးက ဝါရင့်တိုက်စစ်မှူးကြီး ဆမ်မြူရယ် အီတူးအစား ကွင်းထဲဝင်လာတော့ ပရိသတ်တွေလည်း စိုးရိမ်စိတ်တချို့တော့ ရှိခဲ့တာပေါ့။
ဒီဆယ်ကျော်သက်အရွယ် ကစားသမားလေးက ပါရမီရှင်လို့တော့ ကြားဖူးတယ်၊ ရှေ့ပွဲတွေမှာလည်း ခြေစွမ်းကို အသင့်အတင့် မြင်ဖူးကြပေမဲ့ စိတ်မချကြသေးဘူး။
ဒါပေမဲ့ မက်ဆီကလည်း သူဘယ်လိုကစားသမားမျိုးလည်းဆိုတာကို မကြာခင်မှာပဲ လက်တွေ့ပြသွားခဲ့ပါတယ်။
တဖက်အသင်းရဲ့ဂိုးစည်းနဲ့ မလှမ်းမကမ်းနားလောက်မှာ ဘောလုံးရလာတဲ့အချိန် မက်ဆီက ရော်နယ်ဒင်ညိုကို ပြန်ပေးလိုက်တယ်။
ဒင်ညိုခြေထောက်ထဲ ဘောလုံးရောက်သွားတော့ တဖက်နောက်ခံလူတွေ လှုပ်လှုပ်ရှားရှား ဖြစ်သွားပြီး၊ တံတို-င်းကြီးပုံစံနဲ့ နေရာယူမိလျက်သား ဖြစ်သွားတယ်။
ဒါကို မက်ဆီရော ဒင်ညိုကပါ မြင်တာပေါ့၊ မက်ဆီက ချက်ချင်းပြေးထွက်သွားခဲ့သလို၊ ဘရာဇီးလ်သားကြီးကလည်း သူ့ရဲ့စတိုင်လ်အတိုင်း လှလှပပနဲ့ ပြိုင်ဘက်ကစားသမားတွေရဲ့ခေါင်းပေါ်ကနေ ဘောလုံးကို အသာလေးပဲ ကော်တင်ပေးလိုက်တယ်။
အဲ့ဒီနောက် လေပေါ်က ကျလာတဲ့ဘောလုံးကို မက်ဆီက ခြေထောက်နဲ့ ထိန်းဖို့မလုပ်တော့ဘူး။
ဘောလုံးက မြေပေါ်ထောက်ပြီး ပြန်ခုန်တက်သွားတဲ့အချိန် တဖက်နောက်ခံလူကလည်း ဝင်ဖျ-က်တော့မယ်အလုပ်မှာ မက်ဆီက အကုန်လုံးကို မျက်လှည့်ပြလိုက်ပါတော့တယ်။
မြေထောက်သွားတဲ့ ဘောလုံးကို ရုတ်တရက်ပဲ ခြေခွင်လေးနဲ့ ဂိုးထဲကို အေးဆေးပဲ ကန်ထည့်လိုက်တာပါ။ ဂိုးသမားလည်း လှမ်းပု-တ်တာ မမှီလိုက်ပဲ ဂိုးထဲကို တန်းဝင်သွားပါတော့တယ်။
စီနီယာအသင်းကြီးအတွက် ပထမဆုံးဂိုးကို သွင်းလိုက်နိုင်ပြီမလို့ မက်ဆီလည်း ဝမ်းသာအားရနဲ့အောင်ပွဲခံနေတုန်း ရော်နယ်ဒင်ညိုက ကုန်းပိုးပြီးတော့ဂုဏ်ပြုပေးခဲ့ပါသေးတယ်။
မက်ဆီက သူ့ကို ကျော်တက်မဲ့သူလို လူတွေကထင်ကြေးပေးထားကြတာတော-င် ငါ့နေရာလုမဲ့ကော-င်လို့ မစ္ဆရိယစိတ် တစက်ကလေးမှ မရှိပဲ စိတ်ရင်းအမှန်နဲ့ ဂုဏ်ပြုပေးခဲ့တဲ့ ဒင်ညိုကြီးရဲ့လုပ်ရပ်က တကယ်ကို လေးစားစရာပါပဲ။
ဒီနေ့မှာတော့ မက်ဆီရဲ့ဘာစီလိုနာကစားသမားဘဝ 672 ဂိုးမြောက် သွင်းဂိုးတွေတည်းက ပထမဆုံးဂိုးဟာ 19 နှစ်တိတိ ပြည့်မြောက်သွားခဲ့ပါပြီ။ ❤🇦🇷
Credit to football corner
