International လူလိမ် တယောက်ကို
ကြုံကြိုက်တုန်း အင်တာဗျူး ဖူးတယ်။
သူပြောသွားတာက လောဘကြီးတဲ့လူကို
လိမ်ရတာ အလွယ်ဆုံးဘဲ တဲ့။
လောဘ လည်းမရှိ၊
သူများဆီကလည်း ဘာမှ မလိုချင်၊
ဘယ်သူ့မှ မယုံတဲ့လူကို
လိမ်ရတာ စိတ်အညစ်ဆုံးဘဲတဲ့။
အဲဒီလိုလူတွေကို ကျတော့
လု မှဘဲရတယ်။
လိမ်လို့မရဘူးတဲ့။
" အဲဒီစကားက
လူလိမ် ပြောသွားတဲ့
မှန်သော စကားဘဲ။"
Online ငွေလိမ်တာတွေကို
ကြည့်လိုက်ရင် အဓိကအချက်က
လောဘကြောင့်ရယ် ၊ ပြီးတော့
ဘယ်ကမှန်းမသိတဲ့ လူတွေကို
ယုံမိရာက စတာဘဲ။
အပြင်မှာမသိ မမြင်ဖူးတဲ့
လူတယောက်က ပလိန်းကြီး
လိုင်းပေါ်ကနေ အလုပ်တွေ
လာပေးတယ်။
Fb မှာ လာအက်ပြိီး
အလုပ်အကိုင်တွေ
ရင်းနှီးမြှုပ်နှံမှုတွေ အကြောင်း
ဘလိုင်းကြီး လာပြောမယ်။
အပြင်မှာ လူချင်းသိတဲ့သူ
အချင်းချင်းတောင် လိမ်ကြလို့
ရုံးရောက် ရဲစခန်းရောက်တွေ
ဖြစ်နေကြတာ။
လိုင်းပေါ်ကလူဆို ပိုဆိုးတာပေါ့။
တကယ်မှန်ကန်တဲ့ အလုပ်တွေက
Viber တွေ FB တွေကနေ
ရှယ်ယာခေါ်မနေဘူး။
မြတ်နေမှတော့ သူ့ဟာသူ
ပိုက်ဆံချေးပြီး လုပ်နေပြီ။
ဘယ်သူကမှ ဒီလုပ်ငန်းကြီးက
အကျိုးမြတ် အရမ်းများနေလို့
လိုင်းပေါ်ကလူတွေ စားဝတ်နေရေး
အဆင်ပြေဖို့ဆိုတဲ့ စေတနာနဲ့
လိုက်ပြီးရှယ်ယာ ခေါ်မနေဘူး။
မသိတဲ့လူက မက်ဆေ့ပို့လာပြီး
အလုပ်အကြောင်း ငွေအကြောင်း
ပြောနေပြီဆိုရင် လိမ်ဖို့က
၁၀၀% ဘဲ။
အလိမ်မခံရချင်ရင် -
✅သိသိမသိသိ ဘယ်သူ့ကိုမှ မယုံနဲ့။
✅ဘယ်သူ့ကိုမှ အားမနာနဲ့။
✅ကိုယ်နားမလည်တဲ့အလုပ် မလုပ်နဲ့။
✅သူများဟာလည်း အလကားမလိုချင်နဲ့
✅ ဖွန်ကြောင်ပြီး ငွေမကျွံစေနဲ့။
✅ လိုင်းပေါ်က ဘာ Investment မှမယုံနဲ့။
အဓိက ကတော့ လောဘဘဲ။
သူများဆီက ဘာမှမလိုချင်မိအောင်နေပါ။
လောဘ သတ်ပါ။
အဲဒါတွေ လိုက်နာနိုင်ရင် လိမ်ခံရတာတွေ
တော်တော်နဲ သွားပြီး
လာလိမ်မယ့်သူတောင် ပြန်ပြီး
စိတ်ညစ်ရတဲ့သူမျိုး ဖြစ်လာပါလိမ့်မယ်။
