Relationship တစ်ခုခိုင်မြဲချင်ရင်
"အပြန်အလှန်ချစ်ပါ"
ဖုန်းချတိုင်း ချစ်တယ် ပြောပေးပါ
လိုင်းဆင်းတိုင်း ချစ်တယ် ပြောပေးပါ
အပြင်မှာတွေ့ပြီး ပြန်ခါနီးတိုင်း ချစ်တယ် ပြောပေးပါ
ချစ်တယ်ဆိုတဲ့စကား ခဏခဏ ပြောပေးပါ
"မလိမ်ပါနဲ့"
ဂိမ်းဆော့နေတာကို အိပ်နေတယ်လို့ မလိမ်ပါနဲ့
ဘီယာသောက်နေတာကို
ထမင်းကြော်စားနေတယ်လို့ မလိမ်ပါနဲ့
ဘာမဆို အမှန်တိုင်းပြောပါ
တကယ်ချစ်တဲ့သူက အပြစ်မမြင်ပါဘူး
ပြုပြင်ယူပါတယ်
"အဆက်အသွယ် မပြတ်ပါစေနဲ့"
ဖုန်းလေးတွေ ဆက်ပေးပါ
စာလေးတွေ ပို့ပေးပါ
လိုင်းပေါ်မှာ တွေ့မှ စကားပြောတာမျိုးက
သူစိမ်းဆန်လွန်းပါတယ်
လိုင်းပေါ်မှာ တွေ့မယ်ဆိုရင်လဲ
ဘယ်အချိန်ဆုံမယ်ဆိုတာကို ချိန်းထားပါ
"နာကျင်ရရင် ခွင့်လွှတ်ပြီး မေ့ပစ်ပါ"
သူ့အတိတ်ကြောင့် ခံစားရရင်ပဲဖြစ်ဖြစ်
သူစိတ်ကောက်လို့ ခံစားရရင်ပဲဖြစ်ဖြစ်
သူ့ကို အရမ်းချစ်တယ် ဆိုတဲ့စိတ်နဲ့
အရာရာကို ခွင့်လွှတ်ပြီး မေ့ပစ်လိုက်ပါ
"ပြတ်မယ် လမ်းခွဲမယ်လို့ လုံးဝမပြောပါနဲ့"
နှစ်ယောက်သား စကားများရင်
မအားလို့ ဖုန်းမခေါ်မိရင်
လိုင်းခဏတက်မိလို့ စာမပြန်ဖြစ်ရင်
ပြတ်မယ် လမ်းခွဲမယ်လို့ မပြောပါနဲ့
နောက်တစ်ခါ ဂရုစိုက်ပေးဖို့ တောင်းဆိုပါ
"ဖြစ်နိုင်ရင် မရွဲ့ပါနဲ့"
လုံးဝ မရွဲ့သင့်ပါ
နင်တောင် နေနိုင်သေးတာ
ငါလဲ နေနိုင်အောင် နေမယ်
နင်တောင် ဖုန်းမခေါ်သေးတာ
ငါလဲ စာမပို့နိုင်အောင် ကြိုးစားမယ်ဆိုပြီး မရွဲ့ပါနဲ့
ရွဲ့ရင်း ရွဲ့ရင်း ဝေးသွားနိုင်လို့ပါ
"မာန နဲ့ အတ္တ ကို မေ့ထားပါ"
ချစ်သူနှစ်ဦးကြား မာနမရှိသင့်ပါ
သူ့ထက် ငါ့ကိုယ်ငါပဲ ပိုချစ်တယ်ဆိုတဲ့
အတ္တလဲ မထားသင့်ပါ
"ကိုယ်မှားတဲ့အခါ တောင်းပန်ပါ"
ပြဿနာဖြစ်ရင် စပြီးတောင်းပန်တဲ့သူက
ပိုချစ်တဲ့သူပါ တဲ့
ဒါဆို ကိုယ်မှားတာကို သိပြီး တောင်းပန်တာက
ပိုချစ်တာထက်ကို ပိုချစ်ရာရောက်ပါတယ်
"Ex အကြောင်း လုံးဝမပြောပါနဲ့"
အနာဂတ်အကြောင်းပဲ ပြောပါ
ကိုယ်နဲ့ အတူရှိမနေခဲ့တဲ့ အတိတ်ကြောင်းတွေ မပြောပါနဲ့
အတိတ်ထဲက Ex အကြောင်းလဲ လုံးဝမပြောပါနဲ့
လက်ရှိ သူ့ကိုသာ အရမ်းချစ်ကြောင်း
အရမ်းမြတ်နိုးကြောင်း ဖော်ပြပါ
အတိတ်နဲ့ ပစ္စုပ္ပန်ကို မနှိုင်းယှဉ်ပါနဲ့
"အပေးအယူ မျှတပါစေ"
သူကချည်းပဲ ဖုန်းဆက်တယ်
သူကချည်းပဲ စာပို့တယ်
သူကချည်းပဲ လက်ဆောင်ပေးတယ်
သူကချည်းပဲ ဆိုင်ထိုင်ရင် bill ရှင်းတယ်
သူကချည်းပဲ အရာရာ လိုက်လျောတာမျိုးလဲ
မဖြစ်ပါစေနဲ့ အပေးအယူ မျှပါစေ
"ချစ်သူရဲ့ ခံစားချက်ကို အလေးထားပေးပါ"
ချစ်သူရဲ့ စကားချိုချိုလေးတွေကို နားထောင်ပေးပါ
ချစ်သူရဲ့ စိတ်ကူလေးတွေကိုလဲ လိုက်ယဉ်ပေးပါ
ချစ်သူရဲ့ မျက်ရည်လေးတွေကို သုတ်ပေးပါ
ချစ်သူရဲ့ အပြုံးလေးတွေကိုလဲ ကြည်နူးပေးပါ
"ဘာကြောင့်ပဲ စိတ်ဆိုးဆိုး မအော်ပါနဲ့"
ဘယ်သူမဆို အော်တာ ငေါက်တာ မကြိုက်ပါဘူး
ကျီစယ်ပြီး အော်တာ ငေါက်တာကျ တစ်မျိုးပေါ့
ဘာပြဿနာပဲ ဖြစ်ဖြစ်
ဘာကြောင့်ပဲ စိတ်ဆိုးဆိုး
ကိုယ့်ချစ်သူကို လုံးဝမအော်ပါနဲ့👫
