#ယနေ့ထုတ်သတင်းစာ_သတင်း
◼ မန္တလေးတွင် ဧရာဝတီဖောင်ဒေးရှင်းက ယာယီဆေးရုံ တည်ဆောက်
မန္တလေးမြို့ ပြည်သူ့ဆေးရုံကြီး ကန်တော်နဒီဆေးရုံ တို့အတွက် ခုတင်(၂၀၀)ဆံ့ ယာယီဆေးရုံကို ဧရာဝတီဖောင်ဒေးရှင်းက တည်ဆောက်ဖွင့်လှစ်ခဲ့ကြောင်း အဆိုပါဖောင်ဒေးရှင်းမှ သိရသည်။
အဆိုပါ ယာယီဆေးရုံတည်ဆောက်ဖွင့်လှစ်ခြင်းကို ကျန်းမာရေးဝန်ကြီးဌာနနှင့်အတူ လက်တွဲ၍အလျင်အမြန် တည်ဆောက်ဖွင့်လှစ်နိုင်ခဲ့ခြင်းဖြစ်ကြောင်းသိရသည်။
လက်ရှိတွင် ငလျင်ဒဏ်သင့် မန္တလေးပြည်သူ့ဆေးရုံကြီးအတွက် HDU ၁၂ ခုတင်ပါခုတင် ၅ဝ ဆံ့ ယာယီဆေးရုံကိုဧပြီ ၆ ရက်တွင် လည်းကောင်း၊ မန္တလေးကန်တော်နဒီ ပြည်သူ့ဆေးရုံအတွက် HDU ခြောက်ခုတင်ပါ ခုတင် ၁၅ဝ ဆံ့ ယာယီဆေးရုံ ကို ဧပြီ ၈ ရက်တွင်လည်းကောင်း ဖွင့်လှစ်ခဲ့သည်။
ထို့ပြင် မန္တလေးအရိုးအထူးကုဆေးရုံကြီးနှင့် စစ်ကိုင်းမြို့နယ် ပြည်သူ့ဆေးရုံအတွက်လည်း ခုတင် ၁ဝဝ ယာယီဆေးရုံ တစ်ရုံစီကိုအမြန်ဆုံး ထပ်မံဖွင့်လှစ်နိုင်ရန် ဆက်လက်ကြိုးပမ်းဆောင်ရွက်လျက်ရှိသည်ဟုလည်း သိရသည်။
ဓာတ်ပုံ - Ayeyarwady Foundation
