ငံပြာရည်ဆီသတ်
===========
♦ မြန်မာမီးဖိုချောင်မှာ အခြေခံပစ္စည်းတူပေမဲ့
ချက်ပုံချက်နည်းကွဲပြားလို့ အခေါ်အဝေါ်မတူကြပါဘူး။
ငံပြာရည်ချက်(ငံပြာရည်ဆီသတ်)၊ငပိကြော်၊ဘာလချောင်ကြော်၊
ငရုတ်သီးကြော်၊ဆံမြိတ်ခုံ စသည်ဖြင့် အမျိုးမျိုးကွဲပြားကြပါတယ်။
♦ ငံပြာရည်ချက်ချက်ဖို့ ငရုတ်သီးအရှည်တောင့်အခြောက်ကို
လေးစိတ်ကွဲထောင်းထားပါ။
လေးစိတ်ကွဲရင် ကြက်သွန်ဖြူ +နီရောထောင်းပါ။
♦ ပုဇွန်ခြောက်ကို ရေနွေးစိမ်ပြီး မညက်တညက်ထောင်းထားပါ။
ပုဇွန်ခြောက်မှုန့်သုံးရင် ပုဇွန်ခြောက်မှုန့်ကိုရေနွေးလောင်းထားပါ။
♦ အိုးထဲကို ဆီထည့်ပြီး ဆီကျက်လာရင် ငရုတ်သီးဆီသတ်ပါ။
ငရုတ်သီးစိမ်းနံ့ပျောက်ရင် ထောင်းထားတဲ့ပုဇွန်ခြောက်ထည့်ပါ။
ပုဇွန်ခြောက်မှုန့်နဲ့ချက်ရင်
ရေနွေးလောင်းထားတဲ့ပုဇွန်ခြောက်ကို ရေစစ်ပြီးထည့်ပါ။
♦ ဆားနည်းနည်း၊ငံပြာရည်များများ၊၊သကြားနည်းနည်းထည့်ပါ။
♦ ကြက်သွန်ဖြူ +နီကြော်အဖတ်ထည့်ချင်ရင်ထည့်နိုင်ပါတယ်။
ငံပြာရည်ဆီသတ်က စိုစိုလေးချက်ရတာမို့
ဆီမပြန်တပြန်ချရပါတယ်။
♦ ပုဇွန်ခြောက် အခြောက်နဲ့ကြော်ရင်တော့-
ဘာလချောင်ကြော်ဖြစ်ပါတယ်။
