ရက်ရှ်ဖို့ဒ် ရဲ့အဖြစ်ကိုကြည့်ပြီး
မက်ဂွာယားတော့ ရယ်နေမှာပဲ။
"X" ဆိုတဲ့ ဆိုရှယ်မီဒီယာမှာ
ပရိသတ်တစ်ယောက်က
ပရိသတ်ဆိုတာထက်
ရက်ရှ်ဖို့ဒ် ဖန်ဖြစ်ပါလိမ့်မယ်။
သူကရေးထားတာ။
"ရက်ရှ်ဖို့ဒ်ကို ပြောဆိုနေကြတာတွေက
အရမ်းရွံစရာကောင်းတယ်။
ရက်စက်လွန်းတယ်။
ဒါကလေလှိုင်းပေါ်ကအကြမ်းဖက်မှုပဲ"
အဲ့စာသားကို ဆရာလေး ရက်ရှ်ဖို့ဒ်က
ကပ်ပရှင်လေးရေးပြီး
ပြန် share ထားတယ်။
ရေးထားတာက
"မင်းအားပေးမှုကိုကျေးဇူးတင်တယ်။
ဒါအကြမ်းဖက်မှုပဲ။
လပေါင်းများစွာကြာပြီ
တော်သင့်ပြီ"
ဪ... မကောင်းလို့
မကောင်းဘူး ပြောတဲ့ ပရိသတ်ကပဲ
သူ့ကို လေလှိုင်းပေါ်က
စိတ်ဒုက္ခပေးတယ်။
အနိုင်ကျင့်တယ်ဆိုပဲ။
(ကွင်းကိုလာကြည့်တဲ့ပရိသတ်တွေလည်း
သူ့ကိုပြောတာဆိုတာ ရှိရင်ရှိမှာပါ)
မနှစ်က ဒီကောင် အရမ်းကောင်းနေချိန်
ဘယ်ကောင်က ဘာပြောကြလို့လဲ။
ပြောတဲ့သူကိုတောင် ဝိုင်းလှော်ခဲ့ကြတာ
မျက်မြင်ပဲ။
ဒီရာသီလည်း
တောက်လျှောက်သည်းခံပြီးမှ
ပရိသတ်ဘက်က ခံစားချက်တွေ
ပွင့်ထွက်လာတာ။
မက်ဂွာယားကို ဝိုင်းပြောဆိုခဲ့တာနဲ့
ယှဉ်ကြည့်လိုက်။
ဒီကောင်ကို ပြောကြဆိုကြတာက
တော်တော့်ကိုနည်းပါတယ်။
အင်္ဂလန်အသိုင်းအဝိုင်းတစ်ခုလုံးကလည်း
ဝိုင်းကာပေးကြတာပဲ။
(မက်ဂွာယားတုန်းကလည်း ကာပါတယ်)
ဒါပေမယ့်
မက်ဂွာယားဆို
အိမ်မှာ ဗုံးထောင်မယ်ဆိုတဲ့အထိ
ခြိမ်းခြောက်ခံရတာပါ။
လွှတ်တော်တစ်ခုမှာတောင်
မကောင်းတဲ့ ဉပမာအနေနဲ့
မက်ဂွာယားကို ပြသေးတယ်။
ဒီရာသီမှာတော့ အဲ့ကိုယ်စားလှယ်
ပြန်တောင်းပန်လိုက်ပါတယ်။
မက်ဂွာယားလည်းလက်ခံတယ်
နည်းပြကလည်း ဂျောင်ထိုးတယ်။
ရက်ရှ်ဖို့ဒ် ကိုဆို
တန်ဟက် က ပေတေပြီးသုံးနေတာပဲ။
အခုထိတောင် သူ့ကိုအားပေးနေတာ။
မက်ဂွာယား အကြောင်းဆက်ရရင်
ကပ္ပတိန်လက်ပတ် ဖြုတ်ခံရတယ်။
အသင်းပြောင်းဖို့ ဖိအားပေးခံရတယ်။
(ဝက်စ်ဟမ်းကိုမပြောင်းလို့တောင်
အဆဲခံရသေးတယ်)
ဝိုင်းပြောဆိုကြတာ နည်းတာမှမဟုတ်တာ။
တစ်ကမ္ဘာလုံမှာရှိတဲ့
ဘောလုံးပရိသတ်တွေကအစ
ပြောကြဆိုကြတာ။
ဘောလုံးပွဲမကြည့်တတ်တဲ့သူကအစ
ဂေါင်းကြီး ဂေါင်းကြီးဆိုပြီး
လှောင်လိုက်၊ troll လိုက်ပဲ။
မက်ဂွာယား က ပရိသတ်ကို
ဒီလို ပြန်ပြောဆိုတာမျိုး မရှိခဲ့ဘူး။
မက်ဂွာယားရဲ့ စိတ်ဓာတ်ပိုင်းဆိုင်ရာက
တော်တော်မာတယ် ပြောလို့ရတယ်။
သူရာသီကြိုမှာ ကာဗယ်ဟိုနဲ့
လေ့ကျင့်ခန်းဆင်းတယ်။
ပြန်ကြိုးစားတယ်။
အသင်းအတွက်နေရာတစ်နေရာ
ရချင်တယ်။
တကယ်လည်း ကြိုးစားမှုရဲ့
အသီးအပွင့်ကို ခံစားခဲ့ရတယ်။
ရက်ရှ်ဖို့ဒ် အဖြစ်က
သူဘာလုပ်လုပ်မှန်တယ်ထင်နေတာပဲ။
သူ့ကိုထောက်ပြရင်တောင်
မကြိုက်တဲ့ပုံပါ။
သူက မနည်းကြိုးစားနေရတယ် ဆိုတဲ့
ကျေးဇူးရှင် ပုံစံ ဖမ်းလာသလိုမျိုး။
ပြန်လာပြမယ် ဆိုတဲ့အတွေးမရှိဘူး။
သူ့ကမှန်နေရက်နဲ့
သူ့ကို တမင် အပြစ်ရှာနေတယ် ထင်နေတာ။
သူသာ ဂိုးတွေပြန်သွင်းပြလိုက်၊
အသင်းကျနေချိန် လိုက်ရုန်းလိုက်၊
အသင်းကျနေချိန်
"ငါ့အသင်းကွ" ဆိုတဲ့စိတ်ထည့်ပြီး
ညှစ်ကန်လိုက်။
သူ့အတွက် အသက်ပေးမယ့်
အမာခံမန်ယူ ပရိသတ်တွေ
ပေါ်လာမှာ နည်းတာမဟုတ်ဘူး။
ဒါကို သူလည်းသိမှာပါ။
မက်ဂွာယား နဲ့မယှဉ်ချင်ပါဘူး။
(ကစားသမားချင်း မယှဉ်ချင်ပါ)
ဒါပေမယ့် သူ့ကို ကာနေသူတွေလည်း
တော်ရုံပဲကာစေချင်တယ်။
Credit to toolbox
