ကိုယ်ပေးဆပ်တိုင်း ပြန်ရလိမ့်မယ်လို့ ပုံသေမတွက်လိုက်ပါနဲ့ ။ ပေးဆပ်မှုတွေမှာ မျှော်လင့်ချက်တွေ မပါအောင် ပေးဆပ်ပါ ။ မေတ္တာပေးရင် မေတ္တာရတယ်ဆိုတာ လောကနိယာမပါ ။ တကယ်တော့ မေတ္တာပေးပြီး အမုန်းတွေသာ ပြန်ရကြတဲ့သူတွေလည်း အများကြီးပါ ။
ဘယ်အရာကိုမှ ပုံသေမတွက်ထားလို့ မရပါဘူး ။ ရာသီအလီလီ ပြောင်းလဲနေသလို တချို့သော လူသားတွေရဲ့စိတ်တွေကလည်း ရှိရင်တမျိုး မရှိရင်တမျိုး အမျိုးမျိုးပြောင်းလဲနေတတ်ကြတယ် ။
ကိုယ့်ဘေးကို ရောက်လာတာ ခင်လို့ သံယောဇဉ်ရှိလို့
ရောက်လာတဲ့သူရှိသလို အသုံးချဖို့ ကပ်လာတဲ့သူတွေကလည်း ရှိလာတယ် ။ ဒါကြောင့် ကိုယ့်ဘေးနား ရောက်လာတိုင်း ကိုယ့်လူလို ပုံသေမတွက်လိုက်ပါနဲ့ ။ လောကမှာ ပြောနေကြတဲ့ စကားလေးလိုပဲ လူရင်းထိုးတဲ့ဓားက ပိုနက်တယ်ဆိုတာကို သတိရလိုက်ပါ ။
လူ့လောကမှာကတော့ လူအမျိုးမျိုး စိတ်အထွေထွေ လူပေါင်းစုံရှိနေတော့ လူတိုင်းကို ကိုယ့်လိုထင်ပြီး ယုံကြည်ပြီးတော့ ကိုယ့်ဘဝရဲ့အကြောင်းတွေကို ရင်ဖွင့်မပြလိုက်ပါနဲ့နော် ။ နောင်တချိန်မှာ ကိုယ့်အကြောင်းကို ကိုယ် ယုံကြည်ရပါတယ်ဆိုတဲ့သူတွေကပဲ ကိုယ့်နောက်ကွယ်မှာ အတင်းတုတ်နေတတ်တယ် ။
ကိုယ် ဘယ်လိုပဲ ပေးဆပ်နေပါစေ ကိုယ့်ရဲ့ပေးဆပ်ခြင်းတွေကို တန်ဖိုးမထားတဲ့သူနဲ့တွေ့ရင် ကိုယ်ပေးဆပ်တိုင်း ပြန်မရနိုင်ပါဘူး ။ ဒါကြောင့် တစ်ခုပေးရင် တစ်ခုပြန်ပေးတဲ့သူနဲ့ပဲ ဆုံဆုံ ။ အကျိုးလိုလို့ ပေါင်းတဲ့သူနဲ့ ကြုံကြုံ ကိုယ် တတ်နိုင်သလောက် ပေးလိုက်ကမ်းလိုက်ပါ ။
မေတ္တာနဲ့ ပေါင်းတဲ့သူကို မေတ္တာတွေပေးလိုက်ပါ ။ ပေးဆပ်ခြင်းတွေထဲမှာ မျှော်လင့်ချက်တွေတော့ မပါပါစေနဲ့နော် ။ မျှော်လင့်ထားသလို ဖြစ်မလာခဲ့ရင်ပင်ပန်းမှုတွေ ခံစားရတတ်လို့ပါ ။
ချစ်ခြင်းမေတ္တာဆိုတာ လူသားတိုင်းနဲ့ ထိုက်တန်ပါတယ် ။
#အရှင်ဇဝန (ရွှေကုန်းမြေ)
#ချစ်ခြင်းမေတ္တာဆိုတာလူသားတိုင်းနဲ့ထိုက်တန်ပါတယ်
