#ယနေ့ထုတ်သတင်းစာ_နိုင်ငံတကာသတင်း
◼ အီသီယိုးပီးယားနိုင်ငံတွင် ဘတ်စကားစီး ခရီးသည် ၅၀ ကျော်ကို လက်နက်ကိုင်များ ဖမ်းဆီးခေါ်ဆောင်
အီသီယိုးပီးယားနိုင်ငံအိုရိုမီယာဒေသတွင် ဘတ်စကားတစ်စီးပေါ်မှ ခရီးသည်ဒါဇင်များစွာကို လက်နက်ကိုင်အဖွဲ့ကဖမ်းဆီးခေါ်ဆောင်သွားကြောင်း တာဝန်ရှိသူများကမတ် ၂ဝ ရက်ကပြောသည်။
အဆိုပါခရီးသည်တင်ဘတ်စကားသည် မြို့တော်အဒစ်အာဘာဘာမှ ထွက်ခွာလာခြင်းဖြစ်ပြီး ယခုသီတင်းပတ်အစောပိုင်းက ဖြစ်ပွားခဲ့ခြင်းဖြစ်ရာ ယခုမှအသေးစိတ်အချက်အလက်များ ထုတ်ပြန်လာခြင်းဖြစ်သည်။
လက်နက်ကိုင်များ၏ ဖမ်းဆီးမှုသည် လွန်ခဲ့သည့် ဇူလိုင်လက နေရပ်ပြန်ကျောင်းသား ၁ဝဝ ကျော်ကို ပြန်ပေးဆွဲသွားသည့်နေရာနှင့် အနီးရှိအလီဒိုရိုတွင်ဖြစ်ပွားခဲ့ခြင်းဖြစ်ပြီး အိုရိုမိုလွတ်မြောက်ရေး တပ်မတော်၏ လက်ချက်ဟုလွတ်မြောက်လာသူများနှင့် အာဏာပိုင်များကပြောသည်။
သို့သော် အဆိုပါအဖွဲ့ကမူ စွပ်စွဲချက်များကို ငြင်းဆိုထားသည်။ ပြန်ပေးဆွဲခံရသည့် သတင်းများကို သိရှိထားပြီး စုံစမ်းစစ်ဆေးမှုများ လုပ်ဆောင်နေသည်ဟုဆို၏။ ခရီးသည်များသည် အမ်ဟာရာဒေသ ဒီဘရီမာ့ကို့စ်မြို့ကို ဦးတည်ချိန်တိုက်ခိုက်ခံရခြင်းဖြစ်သည်။
ယင်းနေရာတွင် အခြားဘတ်စကားများလည်း တိုက်ခိုက်ခံခဲ့ရပြီး လူတစ်ဦးသေဆုံးကာ ဖမ်းဆီးခံရသူ ၅ဝ ကျော်ရှိနိုင်ကြောင်း သတင်းများကဆိုသည်။
အဆိုပါ လက်နက်ကိုင်အဖွဲ့သည် အိုရိုမိုကိုယ်ပိုင်အုပ်ချုပ်ခွင့်ရ ဒေသအတွက် တိုက်ခိုက်နေပြီးအစိုးရက အကြမ်းဖက်အဖွဲ့အဖြစ် သတ်မှတ်ထားသည်။
ဘီဘီစီ
