⚜️ Bloody Mary ( သွေးစွန်းနေတဲ့မယ်ရီ ) လို့ပြောလိုက်ရင် လူတွေက Lady Ga Ga ရဲ့သီချင်းနဲ့ မှန်ရှေ့မှာ ဆင့်ခေါ်လို့ရတဲ့ ဒဏ္ဏာရီလာ တစ္ဆေတစ်မျိုးကိုပဲ အရင်ဆုံးပြေးမြင်မိတတ်ကြပါတယ်။ တကယ်တော့ သွေးစွန်းနေတဲ့မယ်ရီဆိုတာဟာ England နိုင်ငံကို 1553 ခုနှစ်ကနေ 1558 ခုနှစ်အထိ ၅ နှစ်တာအုပ်ချုပ်ခဲ့တဲ့ Queen Elizabeth I ရဲ့ ဖအေတူ မအေကွဲအမဖြစ်သူ Queen Mary I of England ကိုခေါ်ဆိုကြတာပဲဖြစ်ပါတယ်။ Mary ဟာ King Henery VIII နဲ့ Queen Catherine of Aragon တို့ရဲ့ တစ်ဦးတည်းသော အသက်ရှင်ကျန်ရစ်သူမျိုးဆက်ဖြစ်ပါတယ်။ Mary ဟာဆိုရင် သူမရဲ့ဖအေတူမအေကွဲမောင်တော် King Edward VI ရဲ့ကွယ်လွန်မှုကြောင့် ဘုရင်မဖြစ်လာခဲ့ရတာပဲဖြစ်ပါတယ်။ Mary ဟာ သူမရဲ့အမေဖြစ်သူ Catherine လို ကတ်သလစ်ဘာသာကိုကိုင်းရှိုင်းသူဖြစ်ပြီး၊ သူမဘုရင်မဖြစ်လာတဲ့အခါမှာ သူမအဖေနဲ့သူမရဲ့မောင်တော်တို့အသက်ရှိစဉ်ကပြုပြင်ပြောင်းလဲခဲ့တဲ့ England ဘုရားကျောင်းနဲ့ ကတ်သလစ်ကနေခွဲထွက်ရေးများကိုနောက်ပြန်ဆွဲကာ England ကို ကတ်သစ်လစ်ဘာသာနိုင်ငံတော်ပြန်လည်ဖြစ်လာရန်ကြိုးပန်းမှုကြောင့် England မှာ ဘာသာရေးဆိုင်ရာအထိကရုန်းတွေများစွာ ပေါ်ပေါက်လာစေခဲ့ပါတယ်။ Mary ဟာ Catholic ဘာသာဝင် စပိန်ဘုရင် Philip II နဲ့လက်ထပ်ခဲ့ပြီး သားသမီးထွန်းကားခြင်းမရှိခဲ့ပါဘူး။ Mary ဟာ ထိုသို့ ကတ်သလစ်ဘာသာဝင်တစ်ယောက်နဲ့လက်ထပ်ခဲ့တာကြောင့် England ပြည်သူပြည်သားတွေရဲ့ ထောက်ခံမှုကိုမရရှိခဲ့တဲ့အပြင် တော်လှန်ပုန်ကန်မှုများနဲ့ စီးပွါးရေးဆိုင်ရာအကြပ်အတည်းများ ကိုပါ ရင်ဆိုင်ခဲ့ရပါတယ်။ သူမကို Bloody Mary ( သွေးစွန်းနေတဲ့မယ်ရီ ) လို့အမည်တွင်သွားရစေတဲ့အကြောင်းအရင်းကတော့ သူမရဲ့ဘာသာရေးအယူအဆစည်းမျဉ်းတွေနဲ့ ကတ်သလစ်ဘာသာကိုဆန့်ကျင့်သူ ( Protestants ) ပေါင်းရာချီ၊ ထောင်ချီကို ကွပ်မျက်ခဲ့ပြီး အချို့ကိုဆို အရှင်လတ်လတ်မီးရှို့ကွပ်မျက်ခဲ့တာကြောင့် သူမကို သွေးစွန်းနေတဲ့မယ်ရီဆိုပြီး နာမည်ပေးခဲ့ကြတာပဲဖြစ်ပါတယ်။ Mary ဟာ သူမရဲ့ညီမတော် Elizabeth ကိုလဲ သူမကိုပုန်ကန်ဖို့ကြိုးစားတယ်ဆိုတဲ့ စွပ်စွဲချက်နဲ့ ထောင်ချခဲ့ပြီး 1558 သူမဆုံးတဲ့အခါမှသာ Elizabeth ဟာ အကျဉ်းကျရာမှလွတ်မြောက်ခဲ့ပြီး ထီးနန်းအရိုက်အရာကို ဆက်ခံခဲ့ရတာပဲဖြစ်ပါတယ်။ Mary ဟာ သူမမကွယ်လွန်ခင်မှာ သူမမိဘတွေရဲ့အိမ်ထောင်ရေးအဆင်မပြေမှုတွေ၊ သူမအဖေရဲ့သားယောကျာ်းလေးကိုပဲအလေးထားလိုချင်နေမှုတွေကြောင့် သူမအိမ်ထောင်ကျပြီးတဲ့အခါမှာလဲ အမွေဆက်ခံမယ့် သားယောကျာ်းလေးမရမှာဆိုးတဲ့ stress တွေ အိမ်ထောင်ရေးအဆင်မပြေမှာဆိုးတဲ့ anxiety တွေကိုလဲခံစားခဲ့ရတယ်လို့ဆိုထားပါတယ်။ ဒါဟာလဲ မိဘတွေအိမ်ထောင်ရေးအဆင်မပြေတဲ့အခါဖြစ်လာနိုင်တဲ့ အကျိုးဆက်တစ်ခုပဲဖြစ်ပါတယ်။ Mary ကွယ်လွန်ပြီးတဲ့အခါမှာ Elizabeth က အရိုက်အရာကိုဆက်ခံခဲ့ပြီး England မှာပိုပြီး စည်းစနစ်ကျကာ ခေတ်မှီတဲ့အလယ်အလတ်လမ်းစဉ်ဘာသာရေးစနစ်ကို စတင်ကျင့်သုံးတည်ထောင်ပေးနိုင်ခဲ့ပါတယ်။
